Derhênerê Sûrî Samir Ecûrî derhênerê filmê livandina kurt ‘’ Lawik û Derya ‘’ biryar da ko xwe ji mehrecana ‘’ Rojên Qirtacê yên Sînemayê‘’ vekişîne, yako ku wê li paytexta Tûnisê ji 4heta 11ê çêriya paşî ya dahatî çêbibe, bi sedema beşdarbûna filmê romanê yê dirêj ‘’ barana Humsê‘’ yê derhênerê wî bi ser rêjîma Esed ve ye.
Ecûrî di daxuyaniyekê de ko li ser malperên danûstandina civakî (Facebook) belav kiriye, li ser derhêner Cûd Se’îd xwedanê filmê‘’ barana Humsê‘’ got ko ew Cûzêf Goblizê koçka serokatiya Beşar Elesed e, anku ew wek wezîrê piropaganda Adolf Hitler e.
Ecûrî ‘’birêveberiya mihrecanê bi piştgiriya axaftinên rêjîma Esed tewanbar kir ‘’, ji ber pejirandina wê ji beşdarbûna filmê nerîna rêjîmê re, Esed yê ko Sûriyê wêran kiriye û xelkên wê derbider û perîşan kirine. û dibîne ko ‘’beşdarbûna wî filmî li salonên mehrecanê beşdariyek rasteqîne di wê piropogandayê de.‘’
Ecûrî got: filmê ku alîgirê Beşar Elesed ew derhênan kiriye, ‘’wêraniya bi tevayî ya bajarekê ko firokên artêşa Esed û tangên wî ew wêran kirine, ji xwe re wek wêneyên sînemayê bikar tîne, bi şêweyekî ku mirov tenê kare bêje ku ew bi laşê Himsa mirî dilîze. ‘’
Ecûrî got ku filmê “barana Humsê” yê derhênerê bi ser rêjîmê ve Cûd Se’îd, ew piropogendake ewlekariya Esed e, û rêjîmê ew berhem daye ji bo ramana plan û qomployên derve belav bike, û aliyên islamî yên corbicor bi kuştina xelkên Hums û derbiderkirina wan û sotandina malan tawanbar bike.
Ecûrî ji rojnameya Elheyat re tekez kir ko ‘’ divê mijar nekeve çarçova ku her yek azad e di nerîna xwe de‘’, û got: eger ez bimînim, beraberiyeke dadwer pêk nayê, ji ber amanca rêjîmê ew e ku peywendiyê bike normal, û bi filmekî ku nûnerîtiya Sûriyê dike li mehrecanê beşdar bibe.
Ji aliyê xwe ve kompaniya “ Bidayat” ya ko filmê kurt “ Lawik û Derya” berhênan kiriye got ku ew ligel Ecûrî ye, û helwesta wî bilind nirxand û got ko “ew helwesteke sincî ye û ew sînemekarekî mêrxas e”, û “ji sînemekaran daxwaz kir ko piştgiriya wî bikin, û rê nedin kesî ko hunera wan bike alavek bo piropagenda ji rêjîmên dîktator re”
Derhêner Samir Ecûrî yê ku wê bi filmekî livandina kurt yê bi navnîşana ‘’ Lawik û Derya ‘’ di mihrecana Qirtac de beşdar biba, lêbûrîna xwe xwest û got ko ew di mihrecanê de beşdar nabe ji ber ew mihrecan hunerê bi amanca danîna peywendiyên siyasî bi berpirsiyarê rasterast di ber xwîn û wêraniya bajarê Humsê de dike.
Filmê Samir Ecûrî “Lawik û Derya”, (2016-şeş xulek), li gora derhêner dibêje ew “çîroka lawikekî ji sazkirina wêneyê deryayê hez dike, lê ew li bajarekî wêrankirî dijî, di wê derya ku wî xêzkiriye de noq dibe, û li binê deryayê li ser akranên televizyonan dibîne ko wêneyê wî didizin û li nav ekranan winda dibe”.
Jêder: Nivîsgeha Ragihandinê ya Hevbendiya Niştimanî/ Elheyat
