Duhî Desteya pizîşkî li bajarê Zebedanê bangewaziyeke hawarhatina lezgîn da sercem dewlet û rêxistinên mirovî û yên nojdarî ji bona parastina kesên mayîn dorpêçkirî di bajêr de ji sivîl û birîndar û tîmên pizîşkî, ku bajar rastî şerekî hovane dibe bi serkêşiya pasdarên Îranê û çeteyên Hizibulaha terorîst û mêlîşeyên tayîfeperist yên hevalbendên rêjîmê, hevdem ligel nebûna hêç jêderên jiyanê yên bingehîn.
Desteya pizîkî di daxuyaniya xwe de berpirsyaretiya parastina sivîlên dorpêçkirî xist li ser stûyê komelgeha navdewletî û rêxistinên mafên mirov eger bajar bête dagîrkirin ji aliyê Îranê û mêlîşeya Hizibulaha terorîst.
Herwiha daxwaz ji civaka navdewletî û ji hemû dewlet û rêxistinên navdewletî kir bi hilgirtina erkên xwe li hember parastina sivîlan ligor yasa û pêgiriyên navdewletî û peymana Jinêv û soznameya mafê mirov.
Hêjayî gotinê ye ku Hevbendiya Niştimanî daxwaz ji Encûmena Asayişa Navdewletî kiribû ji bo cêbicêkirina biryara 2139 derbarê parastina sivîlan û gihandina alîkariyên mirovî bo sercem navçeyên dorpêçkirî û vekirina karîdorên mirovî ji dorpêçkiryan re.
Jêder:Hevbendî
