Birêveberiya Tendiristiyê ya bi ser wezareta Tendiristiyê ya Desthilata Sûrî Ya Demkî, bi hevkariya çalakvaniyên bajêr, nexweşxana “Elsahil Eltexesusî” Li Gundewarê Laziqiyê yê bakur vekir. Di vekirinê de wezîrê tendiristiyê Dr. Mihemed Firas Elcindî û wezîrê hînkirina bilind Dr. Ebdulezîz Eldixêm û çend bijîşk û girseyek ji sivîlan li heman helkeftê di roja yekem de amade bibûn.
Elcindî got: “çêbûna vê Navendê kêfxweşiyê dide û ew bersiva wêraniya rêbazkirî ye ya ko rêjîma tawankar li Sûriyê dike.” Û wezîr berdewam kir ko “Navendên bijîşkî ji nû ve çêdibin û pêş dikevin, tako xizmetên tendiristî ji xelkên me li Sûriya birîndar re pêşkêş bikin, tako biwara dîmugrafî ji niştecihan re li gora ko rêjîm û hevalbendên wê dixwazin neyête guherandin.”
Kadirên Nexweşxanê tekez kirin ko ew dê hemû kartên bijîşkî pêkbîne, çimkî nexweşxane beşê neştergerî, hestûyan, neştergeriya giştî û neştergeriya orgenên mîzê û ya sîngê û rû û ergûşkan û navendeke guhdana dil hemû tê de hene. Û ew dê besî herêma gundewarê Laziqiyê û gundewarê Cisir Elşixûr yê rojava be.
Her weha dê nexweşxane kadirên piraniya taybetmendiyên bijîşkî tê de hebin, hem jî yekîniya guhdana hûrbîn ji bo rewşên dil û neştergeriyê û têderxistimoka nexweşiyan û ya tîşkê, û tê texmînkirin ko nexweşxane dê xizmeta hemû gundên çiyayê kurdan û çiyayê Tirkumanan li gundewarê Laziqiyê bike, û bi taybetî kampên derbideran yên nêzîkî Eyn Elbeyda û Elzieyniyê.
Nexweşxane dê xizmetên xwe ji herêmeke ko niştecihên wê nêzîk 60hezar kes in pêşkêş bike, û giringiya nexweşxanê li herêmê tê piştî ko nexweşxana “Usama Ebleq” li çiyayê Tirkumanan li gundewarê Laziqiyê bangek dabû ji bo piştgiriya kadirên bijîşkî bi sedema rawestandina piştgiriyê piştî pênc mehan ji amadekirinê, bi amanca pêdiviyên bijîşkî ji hemû herêmê re pêkbên.
Jêder: Nivsgeha Ragihandinê Ya Hevbendiyê