Ofîsa Belgekirina Binpêkirinan di “Komeleya Azadîxwazên Horanê” de di heyva bûrî de kuştina 39 kesan li parêzgeha Deraa tomar kir, û amûrên ewlekariyê û hêzên rijêmê di astengkirina rojane de dermafê xelkê Deraa û başûrê Sûriyê di nav pilaneke rêbazkirî bo belavkirina bêserûberiyê û xirabkirina aramiyê û nehêlana şoreşê ji kok de li devera başûr berdewam in.
Û Ofîsa Belgekirina Binpêkirinan 35 operasyon û hewildanên kuştinê dermafê xelkê parêzgehê serjimar kirine, yaku bûye sedema kuştina 26 kesan û 10 kes jî birîndar bûn, û 8 kes ji wan ji hewildanên kuştinê rizgar bûn.
Û Hevbendiya Niştimanî ya Sûrî berê di daxwiyaniyeke xwe de ji xelkê Horanê û êl û şoreşgerên wê hêvîdar e, ku ew pêgirên yekbûna rêzên xwe bin, û rûbirûbûna hewldanên rijêmê yên ji bo çandina fitneyan û serkutkirina tevgera şoreşgerî li tevaya devera başûr bikin, û di bîr anî ku Deraa landika şoreşê ye, û nahêle pilanên rijêma tawanbar û sponserên wê bicî werin, û dê bimîne pêşeng di karê şoreşgerî û rûbirûbûna zordariyê de.
Û çalakvan û xelkê parêzgeha Deraa amûrên ewlekariyê yên rijêma Esed û milîsên Îranî tuhmetbar dikin, û dibêjin ku ew herdû alî operasyonên kuştinê dermafê rikberên rijêma Esed li parêzgehê pêk tînin.
Û Hevbendiya Niştimanî dît ku rijêm kesên berçav ji endamên Komîteya Navendî li Horanê û çalakvanên tevgera şoreşgerî armanc dike, her weha rayedar û endamên berê di Artêşa Azad de yên ku ji neçarî rewşa xwe bi rijêmê re di riya lihevkirinên leşkerî bi sponseriya Rûsiya xweş kirine armanc dike.
Û Hevbendiya Niştimanî ya Sûrî ji aliyên navdewletî yên xwedî bandor daxwaza piştgiriya tevgera şoreşgerî a Sûrî yaku ji deh salan de ranewestiyaye kir, di riya piştgiriya veguhestina siyasî ya tam re li seranserî welêt li gor biryara navdewletî 2254, û di riya vekirina rêya lêpirsîna navdewletî bo tawanbarên cengê û di pêşî de Serokê Rijêma Tawanbar.
Jêder: Ofîsa Ragihandinê ya Hevbendiya Niştimanî ya Sûrî