Deste û dezgehên Sivîl li herêma Wadî Bereda li gundewarê Şamê, daxwaz ji civaka navdewletî kirin ko giring e tevbigerin û berpirsiyariyên xwe yên derbarê sivîlan hilgirin li gundên herêmê û têwerdaneke lezgîn bikin ji bo parastina tiştê mayî ji dezgeha ava Eyn Elfîcê ya ko avê ji şeş milyon mirov re li Şamê û gundewarê wê dabîn dike.
Deste û dezgehên sivîl di daxuyaniyekê de doh daxwaz kirin ko fişarê bidin ser dewletên piştgiriya Rêjîmê û milîtanên mezhebî yê bi ser ve dikin tako êrîşên xwe yên bêserûber li ser xak û niştecihan rawestînin.
Herêm ji pênc rojan ve ketiye ber êrîşeke tund bi bermîlên teqîner, û di encamê de bi dehan sivîl şehîd ketine û birîndar bûne. û xizmeta nexweşxane û dezgehên sivîl rawestiyaye, û pampên kaniya Eyn Elfîcê ziyan gihane wan, û vê hişt ko rêjeya deranîna avê kêm bibe.
Çalakvanên herêmê rêjîm û milîtanên bi ser ve tawanbar kirin bi “hewildanên mecbûrkirina xelkê ji bo dev ji herêmên xwe berdin” bi armanca ko van herêman û herêmên hizbulaha tirorist li Bi´elbeka Libnanî bi hev ve girêbidin.
Daxuyaniya desteyên sivîl li herêmê tekezî kir ko ew çi cûreyê koçkirina kotekî yê ko hêzên rêjîma Esed li gundewarê Şamê û li Sûriyê bi giştî dikin yê ko amanc jê guherîna dîmugrafî ye red dikin, û giring e peymaneke li gor dabînkirina saxlemiya sivîlan pêk bînin, û rê bidin aliyên navdewletî ji bo kargehên çaksaziyê derbas bikin û jêderên ava kaniyê saz bikin û wan di kontrola birêveberiya ko ji xelkên herêmê hatiye bijartin de bihêlin
Herêma Wadî Bereda 13 gund in, 9 jê di bin kontrola şoreşgeran de ne, li derdora wê zincîreke çiyan heye hêzên rêjîmê û milîtanên mezhebperest wê kontrol dikin, niştecihên wê 100hezar kes in û ji sê salan ve dorpêçkirî ne.
Jêder: Nivîsgeha Ragihandinê ya Hevbendiya Niştimanî