Doh êvara Sêşemê, di encama êrîşên Rûsya dagîrker li ser Gundewarê Heleb û Idlibê ku dikevin Bakurê Sûriyê de, bi dehan sivîl bûne qurbanî û bidehan birîndar ketine.
Çalakvanan ragihandin ku topbarana Gundewarê Bakur yê Helebê, bajarokê “Til Refe’t” û herdu gundên “Kefir Kilbîn” û “Kefir Xaşir” , li başûrê rojhilatê bajarê Izazê kirin armanc, ku di encam de 15 welatiyên sivîl hatin kuştin, û 22ê din birîndar ketin.
Çalakvanan lêzêde kir ku topbarana Rûsî li ser deverên destnîşankirî ” armanc jê ew e xweşkirina rê li pêş milîsên Yekîneyên Parastina Gel yên ser bi Partiya Yekîtiya Demoqratîk PYD ve ne, da ku bighên bajarê Izazê yê stratêjîk”, herwiha destnîşan kirin ku topbaranê balafirgeha Minix ya leşkerî kir armanc, ya ku Dijberiya Sûriyê ev zêdetirî 2 sal û nîvan e kontrol kiribû.
Çalakvanan destnîşan kirin ku herdu gundên “Kefir Kilbîn” û “Kefir Xaşir”, ji hêlên rûbirûbûna di navbera Rêkxistina DAIŞê û Dijberiya Sûriyê ne, ku herdu rastî topbarankirinê bo cara yekem ji destpêka şoreşa Sûriyê ve hatine, û tekez kirin ku bi sedan derbiderên nû gihiştine Dergehê Bab El-Selamê ji encama topbarankirinê.
Li Idlibê “Berevaniya Sivîl” di daxuyaniyekê de destnîşan kir, ku kuştina 16 kesan û birîndarkirina 10an belgeh kiriye, ku di encama topbarankirina Rûsî de ya ku li ser Gundewarê başûr û rojhilatê bajarê Idlibê pêk hatibû.
Daxuyaniyê diyar kir ku topbaranê bajarokê El-Fitêra li Gundewarê Idlibê yê Başûr, û gundên Tilnimis û Afis li Gundewarê Idlibê yê Rojhilat kirin armanc, ku di encam de bi dehan kuştî û birîndar ketin.
Herwiha peyamnêrê Ajansa Anadol, ku li ser zarê jêderên tenduristî yên Tirkiyê veguhestibû got: 10 birîndarên Sûrî ku di encama topbarankirina Rûsî de li ser Til Rife’t binîndar ketibûn, ji bo nexweşxaneyeke hikûmî li Kilisa Tirkiyê hatibûn veguhestin, herwiha birîndarên ku birînên wan giran bûn, ew veguhestin nexweşxaneyên Xazî Entabê li Tirkiyê.
Heftiya bûrî topbaraneke Rûsî himbiz li ser deverên ku di jêr kontrola Dijberiya Sûriyê de ne hate encamdan, û bi taybet li Gundewarê Helebê yê Bakur, û hêzên Esed û milîsên piştevan jê re bi alîkariya sîwana Rûsya ya asîmanî karîbûn bighên herdu bajarokên Nubil û Zehraa yên alîgirên Eesd in, û karîbûn Gundewarê Helebê yê Bakur ji navenda bajêr cuda bikin, piştî kuştina 100 sivîlî di encama topbarana Rûsî de.
Jêder: Anadol