Nerazîbûnên li dijî kiryarên hêzên rejîmê û damûdezgehên wê yên ewlekariyê, ji parêzgeha Dera li başûrê Sûryê, veguhezîn bajarê Şamê, ku hin nenasan li bajarê Qudseya li rojavayê Şama paytext wênetê Beşar Esed çirandin.
Hin çalakvanên xwecihî gotin ku ew wêneyê Beşar Esed yê ku hatiye çirandin li ser avahiya firotina keresteyan ya desthilatê li nêzîkî navenda “Komîteya Lihevhatina niştîmanî” li meydana giştî ya Qudseya hatibû daliqandin.
Hin çalakvanan ji ajansa Smart re amaje kiribûn ku di heman roja ku nenesan durşim nivîsandibûn û daxwaza çûna serê rejîmê Beşar Esed kirbûn, herwiha daxwaza azadiyê kiribûn, hin durişimên din li ser dîwarên taxên El-Belediye û El-Firin û Zindana Ehdasan hatibûn nivîsandin.
Parêzgeha Dera di dema dawî de ji qonaxa nivîsandina li ser dîwaran ji bo qonaxa xwepêşandanan hatibû veguhestin, li dijî prosêsên leşkeriya neçar di nava refên rejîmê de, ku hin name arasteyî rejîm û hêzên ewlekariyê kirin, ku ew tevlîbûna di nava hêzên rejîmê de red dikin.
Hevbendiya Niştîmaniya Hêzên Şoreş û Dijberiya Sûriyê amaje bi wê yekê dike ku fişara zêde li ser welatiyan li deverên ku rejîmê bi darê zorê dagîr kirine, herwiha kiryarên hêzên ewlekariyê dihêle ku careke din serhildaneke nû li dijî rejîmê û hêzên wê were kirin.
Hêzên rejîmê di meha Cotmeha sala 2016an de destê xwe danî ser herdû bajarên Qudseya û El-Hame, piştî koçbekirina bi sedan şervanên Artêşa Azad a Sûriyê ligel malbatên wan ji bo bakurê Sûriyê, piştî rêkeftinekê ligel “Komîteya Lihevhatinê” li herdû bajaran.
Jêder: Ragehandina Hevbendiya Niştîmanî
