Serokê hikûmeta Sûrî ya demkî Cewad Ebû Heteb serdana Azazê û gundewarê wê kir, û komcivîn ligel nûnerên çalakgeriyên sivîl û abûrî û leşkerî pêkanîn, tevî serdana encûmenên xwecihî yên bajarokên Elkifra û Îhtîmalt û Mar’h.
Serokê hikûmetê got ku armanc ji vê serdanê ew e, rawestana li ser arîşeyan û karkirina ji bo dîtina çareseriyekê bi karînên berdest yên di destê hikûmeta demkî de.
Ebû Heteb di serdana xwe de ligel çalakîgêran mijarên xizmetgozariya taybet bi navçeyê bi awayekî giştî gengeşe kir, her weha damezrandina navendeke karûbarê belgeyên sivîlan , her weha damezrandina tomargehekê ji bo kirîn û firotina xanî û zeviyan ya fermî li navçeyê, tevî karê guhdana xwendinê û çareserkirina kêşeyên qutabiyan di zûtirîn dem de.
Ebû Heteb diyar kir ku sê navend bo zabend û belgeyên sivîlan niha li navçeyê hene û bi awayekî temam kar dikin, û diyar kir ku li demekê nêzîk wê hikûmet kar li ser zêdekirina van navendan li seraserî navçeyê bike, û bal kişand ku li bakurê Helebê û bi saya piştgiriya birayên Tirk aram bûye.
Ebû Heteb hêvî kir ku ev aramî û ewlehî li navçeyên rizgarkirî yên din nemaze li Idlibê û Xûta rojhilat û Şamê û Der’a û Qonêtira û Himusê peyda bibe.
Serokê hikûmetê û şanda wê di dawiya serdana xwe de li çend cihan nerî ji bo avakirina şaxekî zanîngeha Helebê li bakurê rojhilatê bajarê Heleb, bi armanca sivikkirina barê xwedevanan.
Jêder: Ofîsa Ragihandina Hevbendiya Niştimanî
