Emaneta Giştî a Encumena Niştimanî Kurdî li Sûryayê kiriyarên metirsîdar û tîroristî yên ku partiya Yekitiya Dimuqrat derheqê ciwanên Kurd dike bi tundî şermezar kirin, û ji hemû aliyên Kurdî û Civaka Navdewletî xwest ku zû bilivin da sînorekî ji van kiriyarên mrtirsîdar re deynin , sivîlan biparêzin û aramiyê ji wan re peyda bikin, Herweha Emaneta Giştî hişyarî da partiya PYD ji encamên vê gurkirina metirsîdar.
Hêzên bi PYDê ve girêdayî, roja Sêşemba bûrî rêbend li bajarê Qamişlo û Dirbêsiyê danîbûn, û dewrî birêve dibirin, bo ciwanan bigrin û wan bibin leşkeriya neçar, û fîşek berdan, di encamê de hejmarek birîndar ketibûn.
Her weha li Amûdê gulle bi behaneya bidûketina erebeyekê bi awayekî tewş hatibûn berdan, di encamê de çar sivîl birîndar bûn û ê pêncan ji ber birînên xwe şehîd bû.
Emaneta Giştî redkirina Kurdên Sûrî ji piroje û siyastên PYD re di birçîkirin û astengkirina hemû warên jiyanê, ferzkirina leşkeriya neçar bi hêza çekan, peyketin û girtin, ferzkirina derîbeyan, destdanîna ser samanên welatiyan , û ferzkirina rêbazên idyolojîkirî, û ji bilî wan jî binpêkirinên bêsînor yên ku hemû alavên ragihandinê û rêxistinên mafê mirovan li hinder û derve li ser axivîne nû kir.
Hêjeye gotinê ku hêzên PYD gelek zarokên temen biçûk tê de hene,ku tu sînor û rêbaz ji wan re tune ye, jiyana mirovan erzan dibînin, tu rêzê ji awayên danustendinê û pîvanên mafê mirovan re nagirin.
Jêder: Hevbendî
