Encumena Niştimanî Kurdî Piştgiriya xwe ji biryara Encumena Ewlehiya Navdewltî nemre “2254” ku dibêje divê şerê çekdarî bidawî bibe û çareyek siyasî ji qeyrana Sûrî re peyda bibe anî ziman, biryara ku bi keda navdewletî û civînên berdewam ji hêla Netewên Yekbûyî û dewletên bi qeyrana Sûrî têkildarin derket holê.
Daxuyaniya Encumenê ku duh Duşembê 21/12/2015an derket got” derçûna vê biryarê hêvî li gel melyonên Sûryan bidawîkirina êşa wan û pêkanîna hêviyên wan di ewlehî, aramî, û têkbirina tirorê û tiroristan bi ramanê wan yên tarî û şerê tawankarî nû kir.
Encumena Niştimanî Kurdî ku her dem çareya siyasî mîna çareyek istratîjî dibîne û ji bo wê hewl dide, piştgiriya wan erkan tiştê di biryara navdewletî de li gor daxuyaniya Cinêvê ku di 30 Hezêrana 2012an, û daxuyaniya tîma navdewletî ku li Viyêna di 14/11/2015an de derçûye bo pêkanîna çareyeke siyasî ku zilmê bidawî bike, û nerînên rewa yên milletê Sûrî di azadî û rûmetê hatiye dike “.
Ji hêleke dî ve di daxuyaniyê de, Encumen neheqiya ku di kongirê Riyad de bi serê Kurdan hatiye ji hêla nûnertiyê de ku ne li gor ast û rola wan ya aktîv bû di şoreşa Sûrî de, û li dirêjiya dehên salan ji karê dijî destzoriyê û pêkanîna dimuqratiyê, herweha biryardana mafê wan yê netewî.
Encumenê tekez kir ku çi çareya siyasî dadwer û wekhev, mezinbûna qurbaniyên ku milletê Sûrî bi hemû pêkhatiyên xwe pêşkêş kiriye dipîve, û ji bo Sûriyake nû dadmezirîne, ku hemû pêkhatiyên civaka Sûrî bê ku kes were dûrkirin beşdarî avakirina pêşeroja wê dibe, dewleteke dimuqratî pirnetew û pirol ava dike, ku destûra wê mafê netewî ji milletê kurdî û hemû pêkhatiyên dî re li gor belge û peymanên navdewletî misoger bike.
Di dûmahiyê de, Encumen dît ku alîkariya encamdar û lihevkirina di nav hêzên Hevrikiya Niştimanî de, wê ta astek mezin, alîkariyê bi Sûryan re bike, di avakirina dewleteke aram, bi ewle, û pêşketî, ku cihê zilm û destzoriyê tê de tune ye, û her kes pê bawer in.
Jêder : Hevbendî.
