Ji bo banga Encûmenên xwecihî yên Encûmena Niştimanî Kurdî li Sûriyê ENKS ji bo piştgiriya xwepêşindanên gelê Kurd li Îranê, Partiyên Kurdî û Komelên Civaka Sivîl û Rêkxistinên Xortan û yên Jinan li Qamişlo roja Yekşembê 10.05.2015 li kolanan rawestiyan û siloganên ko tawankariyê protesto dikin û wêneyên pakrewana rûmetê “Ferînaz Xisrewanî” hildan.
Şemdîn Nebî Serokê Xwecihiya Rojhilat piştgiriya Encûmena Niştimanî Kurdî li sûriyê ji Gelê Kurd li Îranê re tekez kir û got”Rêjîma Îranê stemkar û nijadperest e, û zehmetiyan ji miletên herêmê re çê dike û têwerdanê di gelek dewletan de dike wek Sûriyê” Nebî bêtir got temenê evan rêjîman kurt e û ewê nêzîk bikevin.
Di heman çaxî de ko mangirtin lidar bû Asayişa Partiya Yekîtiya Dîmuqratî (PYD) êrîş dan ser miletê derketî û çar xort girtin ew jî (Nêçîrvan Ehmed, Azad Masûm, Dilşad Gedo û Şêxmûs Seîd Mûsa) û ew di pey re berdan.
Ji aliyê xwe ve Ebdulsemed Biro Endamê Emîndariya Giştî ya Encûmena Niştimanî Kurdî êrîşa Asayişa PYD li ser milet protesto kir û tekez kir ko ewê di çalakiyan de ji bo mafê gelê kurd berdewam bin û derstûrê ji tu aliyî naxwazin.
Hêjayî gotinê ye, çend mangirtinên protestokirinê li hejmarek ji deverên kurdî li Sûriyayê lidar ketin, ji bo protestokirina tawanê û piştgiriya Serhildana Mehabadê.
Jêder : Hevbendî
