Duhî roja yekşemê li Nivîsîngeha Qamişlo ya Partiya Demokrata Kursistan- Sûriya, Emîndariya giştî ya Encûmena Niştimanî ya Kurd (ENK-S) bi nûnerên hin Hevrêzên Ciwanan re civiya, û di destpêkê de Tahir Sfûg serokê Encûmenê got ku ev Hevdîtin rawêjkarî ye bi armanca guhdarîkirina li nêrînên Ciwan û Hevrêzên cuda-cuda ji bo bihêzkirina rola wan di encûmenên xwecihî de, û herwiha bal kişand li ser giringiya lidarxistina sêyemîn kongirê Encûmênê yê çaverêkirî di nêzîkîktirîn dem de.
Ji aliyê xwe ve nûnerên Hevrêzan li ser êş û azar û daxwazên Ciwanên kurd axivîn, û bi taybetî piştî ferzkirina leşkeriya neçar û qedexekirina xwepêşandanan ji aliyê PYD ve, ku bû sedema koçbariyek bi kom ya Ciwanan û bû sedema ziyanek mezin û nerênî bo Civaka kurdî û herwiha bû egera qelskirina rola Ciwanan.
Hêjayî gotinê ye ku pêr roja şemiyê êvarî, çekdarên PYD xwepêşandaneka jinan li bajarokê Girkê Legê serkut kirin, ew xwepêşandana ji bo pirotisokirina setemkariya rêjîma Iranê , û piştgiriya serhildana Mehabadê ya piştî şehîdbûna(Ferînaz) di ber rûmetê de hatibû lidarxistin, û çekdarên partiya navhatî hin jinên xwepêşandêr û wêngir û peyamnêrê kenala Rûdawê girtin, herwiha duhî jî roja yekşemê heman çekdaran Mangirtinek Encûmena Xwecihiya Qamişlo ya Encûmena Niştimanî ji bo heman helkeftê bi teqandina fîşekan di ser xwepêşenderan re ferikandin û 4 ciwan jî girtin,
Jêder:Hevbendî
