Encûmena Niştimanî ya Kurd di daxuyaniyekê de tekez kir ko ew ne têkildar e bi hilbijartinên Şaredariyan yên ko Birêvebiriya Xweser li Cezîrê çê bike. Encûmenê da xuyakirin ko Birêvebiriyê û Tevgera Civaka Dîmuqrat daxwaza Encûmena Niştimanî Kurdî piştguh kir, ya ko dixwest hilbijartin bipaş bikevin heta Lêvegera Siyasî bendên Peymana Duhokê cîbicî bike. Çimkî pêkanîna evan hilbijartinan berî wê, dijberî deqa peymana Duhokê ye.
Ji ber evê yekê jî Encûmena Niştimanî ya Kurd dibîne “cîbicîkirina evan hilbijartinan ziyanê digihîne peymana Duhokê û ewê metirsiyeke rasteqîne li ser çêbike, û Tevgera Civaka Dîmuqrat ew berpirsiyariya wê hildigire.”
Tê zanîn ko Rêveberiya Xwesrî ya Partiya Yekîtiya Dîmuqrat PYD û hin aliyên bi ser wê ve roja 13 Adarê dê hilbijartinên Şaredariyan li parêzgeha Hesekê çê bikin, tev ko Rêjîm û dezgehên ewlekariyê hêj li Herêmên Serekî ji parêzgehê desthilatiyê dikin.
Jêder: Hevbendî
