Encûmena xwecihî ya bajarê Der’a daxwaz ji rêkxistinên navdewletî û desteyên hawarhatinê yên ko li Sûriyê kar dikin kir, jibo ji xelkên derbiderên bajêr re ên ko ber bi gundewarê rojhilat û rojava de çûne, ji ber şer û reva ji bombebarana hêzên rêjîmê ya bi mûşekên cûreyê “Elfîl” ko ji wan re bûye karekî rojane, alîkariyan pêşkêş bikin.
Encûmena xwecihî ya Der´a do di daxuyaniya xwe de got ko zarok û kalemêr û jin û kesên kêmendam rêjeya mezin in ji derbideran, ku digihê ji 70 heta 80% , û operasiyona derbideriya ber bi zeviyên derdora bajêr de berdewam e, piştî ko rêjîm hêj malên sivîlan bi mûşekên Elfîl bombebaran dike, û ev mûşek wêraniyeke mezin çêdikin û şehîd û birêndaran li pey xwe dihêlin.
Serokê Encûmena xwecihî ya bajarê Der´a Mihemed Ebdulmecîd Misalimê, ji dezgehên ragihandinê re di daxuyaniyeke berê de got: “gelek malbat ber bi gund û zeviyên derdora bajêr de çûne, rewşa jiyana wan pir aloz e”. hem got ko malbat hewcedarî cihê daniştinê û lihêfan e, hem jî alîkariyên hawarhatinê û heyberên xwarinê yên bingehîn û heyberên pakiya kesînî, çimkî piraniya malbatan li nêzîkî sînorê Sûriyê û Urdinê dûrî çavdêriya rêkxistinên mirovî dijîn.
Jêderên xwecihî tekez kirine ko malbatên ko ji taxên bajarê Der´a yê rizgarkirî derbider bûne, 950 malbat in, hinek çûne rex mirovên xwe li bajarokên gundewarê Der´a û yên din mecbûr bûne ko xwe li deştên çandiniyê yên li derdorê bajarê Dera, di vê sermayê de xwe bicih bikin.
Berê jî xelkên Der´a Elbeled ji herêma xwe derbider bûne, her ko şer xurt dibû û rêjîmê taxên niştecihan bombebaran dikirin, di cehzeran û tîrmeha 2015an de, pir xelk ji wan taxan derbider bûn, û em Karin bêjin ku kes di wan de nema ye, digel operasiyoneke êrîşên asmanî bi bermîlên teqîner, ko firokên rêjîmê taxên niştecihan bi wan bombebaran dikin.
Jêder: Ofêsa rahigandinê ya Hevbendiya Niştimanî/Ineb Beledî
