Serokê Nivîsîngeha Kargeriya Xwecihî li Encûmena parêzgeha Heleba azad Mihemed Kenco got ku niha parêzgeha Heleba rizgarkirî di rewşeke zehmet de dijî ji aliyê xizmetgozariyan û pêkanîna cihên giştî, ku parêzgeh tê wêrankirin bi awayekî rêbazkirî ji aliyê çete û bandên Esed û dewletên dûvelankên wî wek Rûsiya û Îranê, ku ev dewlet siyaseta wêrankirin û xirabkirin û kuştina mirov û jiyanê dişopînin, bi armanckirina nexweşxane û xwendingeh û nanpêjan, herwiha ziyanê digehînin rê u banan û tora av û eletrîkê.
Kenco got ku nivîsîngeha kargeriya xwecihî ya encûmena parêzgeha Helebê bi nexşekirina pirojeyên eletrîk û avê û kazînan û çêkirina riyan û avêtina çopê, û ev piroje hatin bilindkirin ji aliyên piştgir re û pirojeyê ava Siwêr elîs li gundewarên başûr hat pesindkirin ku avê dide 9 komelgehên nişteciyan ku hejmara xelkê wan bi 35000 kesan tê texmînkirin, herwiha pirojeyê kazînên bajarokê Ciziraya û kazîna serekî ya bajarokê Zemar hat pesendkirin, lê ji ber giraniya bombebarankirina firokên Rûsiya dijmin, piroje hatin rawestandin li ser vî tewerî.
Kenco derbarê pirojeyên eletrîkê got ku ” dabeşkirina 22 matorên eletrîkê hat li ser encûmenên xwecihî li gundewarên bakur û başûr û rojava pesendkirin, ligor pêdiviya wan û herwiha çendîn rê bi zixoran hatin çakirin bi armanca xweşkirina çûn û hatinê û pirojeyek li ser qîrkirina riya elkastîlo hat danîn bi alîkariya komîta bihêzkirina navendî”.
Kenco diyar ku astengiyên dikevin li pêş kar, kêmbûna diravî ye ku kartêkirinek nerênî li ser nebûna endezyar û pîşekaran kir û got: “pêwîstiya me gelekî bi wan heye tevî hewcedariya me bi alîkariya çêkirina cadeyan û nemaze bi qîrkirinê, lê girtina deriyê sînorî bû kêşe ku nikarin pêwendiyan digel nivîsîngeha kargeriya xwecihî û aliyên piştgîr bikin”.
Kenco got ku zehfiya êrîşên esmanî û bombebarankirina alav û tewer û jêderên eletrîkê dibin mezinntirîn astengiyên li pêş kar”.
Jêder: Hevbendî
