Nivîsgeha Peywendiyên derve ya li Tirkiyê ya Encûmena Niştimanî ya Kurd, Îro, Yekşembê, ahengek bi helkefta Raperîna Qamişlo ya 2004an, û bîranîna pêncemîn salvegera Şoreşa Sûriyê ya pîroz, ya ko pirîska wê ji Der’a 2011an vêket lidar xist.
Aheng bi gotina Encûmena Niştimanî Kurdî, ya ji aliyê birêz Luqman Yûnis hat xwendin dest pê bû. Di gotina Encûmenê de li ser hevbeşiya rewanî di navbera herdu bîranîna de axivî. Di pey re gotina Hevbendiya Niştimanî ya Hêzên Şoreşê û Rikberiya Sûriyê, ji aliyê serokê Hevbendiyê Enes Elebde hat xwendin, tê de got ko dilsoziya rastî bi Pakrewanan re, di berdewamiya ew rêka ko ji bo wê rabûn û şehîd ketin de ye, Serhildana Qamişlo Xetîreya ko rewanê Serhildanê li dijî Stem û zordariyê hişyar kir. Elebde dibîne ko xwîna Kurdan ya ko Rêjîmê ew rijand di rewanê hemû Sûriyan de meşiya. Bal kêşand ser giringiya peymana di navbera Encûmena Niştimanî Kurdî û Hevbendiya Niştimanî Sûrî de, û xwest ko navbera herdu aliyan berdewam çêtir bibe.
Her weha gotina Desthilata Sûriyê ya demkî serokê wê Ehmed Tu’ima xwend, yê ko destnîşan kir ku Rêjîma tawankar ji destpêkê de xwest derbê li peywendiya navbera Sûriyan bide, û xwest navbera pêkhateyên Sûrî xerab bike.
Serokê Karê Niştimanî ji bo Sûriyê endamê Hevbendiyê Ehmed Remedan, gotina xwe da, Tê de li ser Serhildana Qamişlo û çakbûna ew kesên ko li dijî rêjîma kujer li Qamişlo raperîn axivî, hem li ser rola giring ya Encûmena Niştimanî di biserhevdana mala Sûrî de, û karîna wê ya lipaşxwehiştina astengan da digel hev kar ji bo Welatekî azad bikin.
Nûnerê Tevgera Aşûrî ya opozisyon, Kerem Dewlê, gotina tevgerê xwend, li ser peywendiya serhildana Adarê 2004an û Şoreşa Adara 2011an, û li ser giringiya Serhildana Qamişlo axivî, ko wê serhildanê yekem car dîwarê tirsê li Sûriyê herifand.
Gotina Ragihandina Şamê, Semîr Neşar xwend, û got ko Kurd ne tenê li dijî Ewlekariyê serî hildan, lê li dijî hemû rêjîmên faşî li herêmê rabûn. Destnîşan kir ko Rêjîma faşî dixwest pêkhatiyekî ji pêkhatiyên Sûrî ji kok ve hil bike, ew jî Kurd bûn. Tekez kir ko serhildana Qamişlo giringiyeke dîrokî bû , gerek miletê Sûrî hemû digel hev civakeke azad ya rastîn bê stem û zordarî ava bike, û ber bi rêjîmeke dîmuqratî piralî ve ko taybetiya her pêkhatiyekî biparêze û mafê hemû xelkên welat dabîn bike.
Gotina dawî hat xwendin, ya Xwendekar û xortên Kurd bû, û di pey re perçeyin wêjeyî û hunerî yên rengreng hebûn, hunermend Hisên Arî ew pêşkêş kirin, yek ji wan straneke rexneyî li ser nûnerê rêjîmê Beşar Elcaferî bû, û ew parçeyên hatin pêşkêşkirin bi giştî li ser rewanê Adarê û Şoreşa Sûriyê û serhildana Qamişlo bûn.
Jêder : Hevbendî
