Bi amadebûna hejmarek ji siyasetmedar, çalakvan, rojamevan û akadîmiyên kurd, emîndariya giştî ya Encuman Niştimanî ya Kurd li Sûriyê ENKS, roja Înê 2-6-2017 li bajarê Qamişlo, simînarek diyalokê li darxist.
Simînar ji hêla endamên emîndariyê Dr.Lezgîn Fexrî û Fêsel Yûsif û Ebdulsemed Xelef Biro hate birêvebirin, û piraniya dema sîmnarê ji bo kesên amadebûyî hate dan da ku endamên emîndariyê li nerîn û têbîniyên wan guhdar bikin.
Ebdulsemed Xelef Biro ji peyamnêrê me re ragihand ku simînara wan li ser biryara emîndariya giştî ya ENKS hat li darxistin.
Her wiha Xelef Biro diyar kir ku mebesta wan ji vê çalakiyê ku li nerînên siyasetmedar û çalakvan û rojnamevan û akadimisyenên kurd guhdar bikin û rexnên wan bi sîngeke fireh li cem xwe tomar bikin da ku sûdê jê wergirin.
Ji layê xwe ve siyasetmedarê kurd Ibrahîm Ehmed simînara emîndariya ENKS bi giringî nirxand û got “ev simînar gaveke pir baş bû lê bi derengî hat, lê kesên amadebûyî bi zelalî nerîn û rexnên xwe derbarê karê encumanê zela kirin û ji bo serkirdeyên emîndariyê diyar kirin“.
Ehmed di axaftina xwe de ji malpear me re diyar kir ku ENKS di warê siyasî de li cem civaka navdewletî tê qebûlkirin, û ji ber vê yekê pêwîste ku karê xwe çalak bike û pirsa kurd li Sûriyê bike pirseke navdewletî bi taybet derbarê ne danpêdana rikberiya Sûrî bi mafê gelê kurd li Sûriyê weke miletekî resen li ser xaka xwe dijî.
Tê zanîn ku biryara emîndariya giştî ya ENKS ewe ku simînarên bi vî awayî li hemû bajarên Kurdî li parêzgeha Hesekê li dar bixin.
Jêder: Beşê Kurdî Ji Nivîsgeha Ragihandinê Ya Hevbendiyê
