Firokên rêjîma Esed 2 êrîşên esmanî birin ser bajarê Der’a, yek li ser taxa Der’a Elbeled û ya din li ser taxa Terîq Elsed , hevdem ligel bombebarankirina bajêr bi mûşekên zemîn-zemîn ji coreyê “fîl”; ku têde dayikek û zaroka xwe şehîd ketin.
Û duhî navçeya rojavayê bakurê Der’a bi firokan hatibû bombebarankirin, û bajarokê Aqreba li bakurê Der’a û bajarokê Elmeshera li gundewarê Qonêtira navîn ji aliyê hilîkopteran bi bermîlên teqîner hatin bombebarankirin, hevdem ligel topbarandina bajarê Elhara, û têde sivîlek şehîd ket û hejmarek zarok birîndar bûn.
Rêveberê Nivîsîngeha hawarhatinê li bajarê Îbteh li Der’a, di daxuyaniyekê de bo ajansa Smrat got: piştî pêkanîna şeş êrîşên esmanî û bombebarankirina bajêr bi mûşekên “fîl” û kuştina hejmarek ji sivîlan bi firokên Esed, piştî koçberkirina xelkê bajêr, niha zêdetir ji du par ji sê parên xelkê bêwar in û li çolan dijîn.
Li aliyek din, tabûrên artêşa azad karîn dest deynin ser baregeha valamayî ya li rojhilatê Îbte’h li gundewarê Der’a, piştî ku ji aliyê hêzên Esed dema çend se’etan hatibû kontrolkirin.
Jêder: Hevbendî
