Firokên dagîrkerên Rûsî vê Sibehê kuştareke nû li bajarê Tîr Me`ela li Gundewarê Hums ê Bakur pêk anî, piştî armanckirina nanpêjgeha Alî bi hejmarek ji sarûxan, di dema ku gelek sivîl li derdorê bo kirîna nan civiyabûn,wek jimarek destpêkî li gor navenda Humsê a ragihandinê heyişt kes şehîd ketin.
Navendê wisa jî got; firokeyên dagîrkerên Rûsî vê sibehê Telbîsê, Xirnata, û Xento li Gundewarê Bakurî ji Humsê armanc kirin, navendê navê 11 şehîdan belge kir, ji wan Mihemed Xalid Hec Ibrahîm ji Telbîsê, û li Tîr Me`ele dimîne, û du şehîd ji Telbîsê ew jî Wefa Nacî û Sefa Nacî ne, û zarokek bi navê Sara Isamîl Siwês ji bajarokê Xento.
Serkirdeyê di Artêşa Azad a Sûrî de Mamûn Siwîd got Gundewarê Hums yê Bakur ji hêla hêzên Esed û bi alîkariya milişiyên regezperist û firokeyên dagîrkerê Rûsî ketiye bin helmeteke bejî berfireh de, û ji çar aliyan, li ser bajarokên, Sinsîl, Ciwalk, Mehete, Tîr Me`ele, û Xento, herweha gundê Xalidiyê li Dar Kebîre, û destnîşan kir ku hêzên rejîmê ku cih li zankoya cengî, gundê El- Kem , rêbendên derdora Xirbal, Cisir, û saziya kehreba girtine, bajarok û gundên Gundewarê Humsê Bakurî bi sedê sarûxan û bumbeyên topan bo derbasbûna wê bumbebaran kirine.
Siwêd bal kişand ku firokeyên dagîrkerên Rûsî vê sibehê serbest bumbe avêtin ser Letaminê, û Kefer Zêta li gundewarên Hemayê, di encamê de hejmarek ji birîndaran ket, herweha pê re jî wargehên artêşa Azad a Sûrî li gelek deverên Gundewarê Hema armanc kirin.
Jêder: Hevbendî