Firokên Esed Îro êrîş dane ser Mizgeft û Dibistanên Reqayê di encamê de 26 kes ji nav wan çend Zarok hatin kuştin û bi dehan birîndar ketin. Herweha Reqa ket ber êrîşên asmanî yên Hêzên Hevpeymanê, çend sivîlan jiyana xwe ji dest dan. Li aliyekî din şer di navbera Şoreşgeran û hêzên Esed de li taxa Cober li Şamê û herêmên din li Xûta Rojhilat çê bû.
Hêzên Esed hêj berdewam in di bombebarandina li ser Muxeyem Elermûk li Şamê ji Burcên Elqa’a ji taxa Meydan davêjê, di encamê de Jinek û du Zarokên xwe birîndar bûn. Herweha Salim Elmislit berdevkê fermî yê Hevbendiyê di daxuyaniyeke berê de “neyêniya dewletan bi qeyrana mirovî re li Sûriyê” rexne kir. Û got: “Dudiliya Navdewletî di piştgiriya Sûriyan de bêtir wêraniyê çê dike, û rê dide ko tiroristî bêtir bibe, bi çavdêriyeke yekser ji Rêjîmê.” Daxuyaniya Elmislit piştî êrîşên asmanî yên firokên Rêjîma Esed ko bi dehan kes li bajarê Reqayê kuştin, herweha Nesir Elherîrî Emîndarê giştî dît ko”bêdengiya Navdewletî li ser evan kuştarên li Reqayê û cihên din bûn, dihêle ko xort ber bi tundrewiyê ve biçin û dihêle ko Herêm ber bi bobelatan ve biçe.”
Herweha Burhan Xelyûn Endamê Hevbendiya Niştimanî salixê êrîşên asmanî yên rêjîmê bi “Tawankarî” da û got: “istiratîciya Hevbendiyê ji bo têkbirina Daişê bê ko dest bidin rêjîma Esed yê ko li ser sînga miletê Sûriyê rûniştiye, ewê bêguman kar li hev dabeş bikin, Hevpeyman dê Daişê bombebaran bike û Rêjîm jî miletê Şoreşger û bê ko ji tu kesî bitirse dê milet siza bike.”
Hevpeymana Navdewletî berpirsiyariya kuştara nû hildigire ya ko dide xuya kirin ko istiratîciya wan têkçûyî ye. Aşkere dike hevrêziya di navbera Esed û wan de dihêle ko Esed bêtir di karê leşkerî de çareseriya rewşê bike.” Xelyûn berpirsiyarî da ser Emîndarê Netewên Yekbûyî û Encûmena Asayişa Navdewletî “ev kuştarên ko li Reqa û Xûta Şamê dibin” çimkî bêdeng li himber wan dimînin, ji karûbarê wî ye ko biryara xwe ya rawestandina bermîlên teqîner cîbicî bike, ya ko Esed ew li ser kaxzê diwêt hişt.
Tiştê ko li Reqa û li hemû bajarên Sûriyê dibe, li Xûta Şamê û Helebê û bajarên Horan û Cezîrê û Idlib û Hema û Humsê ew encama dûrbûna siyasî û sincî ya civaka navdewletî û li ser wan ya Netewên Yekbûyî ye û ya Emîndarê giştî û radestbûna wan ji mijara tundî û hêzê û radestbûna wan jê re û tiştek ewê narawestîne pêvî ko civaka navdewletî rola xwe vegerîne û berpirsiyariyên xwe hilgire berî ko rêkxistina navdewletî dawîtirîn tiştê jê re ji rûmetê mayî winda bike. “.
Hêjayî gotinê ye sibeh dê rawestineke bêdeng li bajarê Istanbulê xortên Sûrî pê rabin, da cîhanê bidin ber berpirsiyariya hinek guhdanê û berpirsiyariya ewê xwîna ko li Reqayê û li hemû Sûriyê dirije.
Jêder: Hevbendî
