Hêzên rêjîma Esed û Rûsya di operasiyona xwe ya leşkerî de dijî herêmên kêmkirina şerî li bakurê Sûriyê berdewam in, û firokên rêjîmê komkujiyek derheqê sivîlên gundê Cozêf li çiyayê Elzawiye pêk anîn, û di encamê de çar kes ji nav wan du zarok û jinek şehîd ketin, û pênc birîndar bûne ji nav wan du zarok û jinek.
Çalakvanên xwecihî anîn ziman ko du sivîl yek ji wan zarok bû birîndar bûne, bi sedema ko hêzên rêjîmê bajarê Kefer Nibil li gundewarê Idlib amanc kirine, piştî êrîşeke asmanî ya firokên cengê li ser malên sivîlan.
Her weha du zarok yek ji wan li bajarokê Bisamis yê bi ser herêma Erîha ve li gundewarê Idlib birîndar bûne, bi sedema ko bajarok bi bombeyên goşeyî amanc kirine, ya dî li bajarokê Kefer Betîx ko firokên cengê bi sê êrîşên asmanî bi bombeyên goşeyî amanc kirine.
Du sivîlên din, yek ji wan ji bajarokê Bidama ye, bi sedema bombebaranê li ser bajarok, her weha sivîlekî din li zeviya Elhewarî li rojavayê gundê Til Tofan bi sedema bombebaranê birîndar bûne.
Berevaniya Sivîl şehîdketin û birîndarbûna 27 sivîlan bi bombebarana asmanî ya firokên rêjîmê yên cengê roja şemiyê li ser herêmên gundewarê Idlib belgeh kirine.
Hevbendiya Niştimanî ya Hêzên Şoreşê û Rikberiya Sûriyê got ku ‘’ kuştin û amanckirina bi mebest ya sivîlan tawankariya cengê ye, ji hêla rêjîmê û hevalbendên wê ve rêbazkirî û berdewam e ‘’, ji civaka navdewletî daxwaz kir ko wan operasiyonan pirotesto bikin û têwerdanê bikin, û ‘’ aliyê cengê dijî miletê Sûrî dike û milîtanên mezhebperest anîne rawestînin.‘’
Hêzên rêjîmê û Rûsya bêtir ji du heyvan de dixwazin ber bi Idlibê ve herin, lê hemû hewildanên wan bi sedema xweragiriya artêşa Sûrî ya azad têk çûne, û rêjîm û Rûsya neçar bûne bombebaraneke tund dijî herêmê pêk bînin.
Jêder: Ofêsa Ragehandinê ya Hevbendiya Niştimanî