Hejmara şehîdên Helebê(bakurê rojavayê Sûriyê) şeva Çarşembê giha 29 sivîlî ji nav wan zarok û jin jî hebûn, ji encama bombebarana asmanî ji hêla rêjîma Esed û Rûsya ve li ser taxên cobicor, û hejmara birîndaran 60 kes in.
Çalakvanan diyar kir ko firokên cengê yên rêjîma Esed û Rûsya, taxên Elşear, Henano, Elsalihîn û Elmeadî û Elmercê bi dehên êrîşên asmanî amanc kirine. Hem jî bi bombebaraneke wek wê bajarokên Heyan, Hirêtan, Kefir Elmeadî amanc kirine.
Çalakvanan diyar kir ko “ji encama bombebaranê Nexweşxana Elhekîm û ya Elbeyan li taxa Elşear ji xizmetê derketine, çimkî ew yekser bi bermîlên teqîner hatine amanckirin. ” û bêtir got:“navendeke tendiristiyê bi sedema lêketina bermîleke teqîner ko hişt piraniya avahiyê wêran bibe ji xizmetê derket.”
Berdevkê serokatiya Tirkiyê Ibrahîm Qalin got ko “Rêjîma Esed bi awayekî rêbazkirî peymanên aramiyê li Sûriyê binpê kirine, ewê jî hişt ko danûstandinên Cinêvê yên dawî ko di 13 Nîsana buhirî de dest pê kiribûn rawestin, û got ko rewşa Sûriyê bi taybetî li Helebê û derdorê wê ber bi nebaşiyê ve diçe ”.
Jêder: Elerebî Elcedîd+Hevbendî
