Bêtir ji 730 Girtiyan li Zindana Navendî ya Rêjîma Esed li Hemayê ji roja Sêşemba derbasbûyî ketine gireva birçîbûnê li jêr evan siloganan “Xwarin na, heta em ji Zindanên stemê derkevin” û ”Mirin û neriswabûn”, hem siloganên destpêka Şoreşê yên nêzîk pênc salên berê anîn ziman.
Girtiyan dest bi evê gireva vekirî kirin bi hêviya ko ji Zindanên rêjîma Esed ber bi azadî û roniyê ve derkevin û mirovên xwe bibînin.
Ev girev faktereke fişarê ye li ser Rêjîmê û nameyek bo Civaka Navdewetî ye. Ya ko tev tawankariyên Rêjîma Esed li hundirên zindanan, tiştekî nake.
Endamekî Polîs yê hêj di karê xwe de ye got: “Hemû Gitiyên li beşê Bêciriyê yên hejmara wan 730 kes in ji Şîva doh Sêşemê heta nuha xwarin nexwarine tev ko Birêveberiya Zindanê hewl da ko ewan ji biryara wan vekişîne lê biser neket.”
Ji Adara 2011an ve Rêjîma Esed bi dehhezaran kes girtine ji nav wan jî kesayetiyên mafnasiyê û yên zanistî wek Dr. Fatin Receb û Dr. Ranya Elebasî û hevjînê wê Ebdulrehman Yasîn û her şeş zarokên wan yên ko heta nuha tu kes çarenivîsa wan nizane.
Berdevkê fermî yê Hevbendiya Niştimanî Sûrî Salim Elmislit doz li Encûmena Ewlekariyê kir da fişarê bide ser Rêjîma Esed ya ji bo cîbicîkirina biryara 2139 ya ji bo berdana hemû Girtiyên Sûriyê her wiha li Şandeya Xaça Sor ya Navdewletî doz kir da serdanan ji bo zindana rêkxistin bikin û ji bo saxlemiya Girtiyan û awayê Rêjîmê bi êşkeneya wan tekez bikin.
Elmislit destnîşan kir ko”dosya Girtiyan ji Hevbendiyê re ya pêşinde ye hem jî ya herî giring e di gotûbêjên me de bi dezgeh û aliyên diblomasî re û me metirsiya rewşa Girtiyan daye xuyakirin. Û me rewşa wan ya herî xerab ji cîhanê re veguhest û tiştê di cîhanê de nakeve şûna yek xulekê ko Girtiyên Sûrî di zindanên Rêjîma Esed de dibînin.”
Jêder: Hevbendî+Alerebiye
