Girûpa Karê Sorika ya ku bi Hikûmeta Sûrî a Demkî ve girêdayî ye, di demeke dereng ji şeva bûrî de daxuyaniyek derxist, tê de behîdariyên germ bo xwediyên zarokên ku duh êvarî mirin pêşkêş kir , û hêviya rehetbûneke bi lez ji zarokên nexweş re kir. girûpê mixabiniya xwe bo jidestçûna ” hejmarek ji zarokên me” da xuyakirin.
Daxuyaniyê tekez kir : ” Nîşanên nexweşiyê piştî nîv saetê ji stendina derziyê xuya kirin. Tu metirsî li ser zarokên ku nîşanên nexweşiyê piştî derziyê yekser li wan xuya nekiribe tune ye”.
Daxuyaniyê diyar kir: ” Qonaxa didwan ji derzîdana Sorika roja Duşembê 15/9/2014an li parêzgeha Dêra Zorê û Idlibê li dor 60 navendên tendirustî destpê kir, derzîdana dor 15000 zarok li Dêra Zorê, û dor 12000 li Idlibê bi derzîdana Sorika û Sorika Elmanî bikar hat”.
Daxuyaniyê zêde kir: ” Derzîdan duh li her şêst navendî bi awayekî normal destpê kir, ta ku me nûçeya biazar saet deh û nîvê sibehê bi mirina zarokekî piştî derzîdanê bihîst, dûv re gelek kesên bi vê rewşê bi ser me de hatin, lewre biryara rawestanek demkî li hemû navendan hat stendin, û li gor serjimarên Tendurustiya Idlibê, hejmara miriyan gihişt 15 zarokan, û zarokên êşiyayî yên ku hatin dermankirin50 zarok bûn “.
Daxuyaniyê diyar kir: ” Nîşanên nexweşiyê li zarokên derzî stendibûn navçûn , nîşanên kirîzê, û bihinçikandina di navera sivik û rawestana henasê de bû”.
Girûpa Karê Sorika got: ” Em li pêş rewşeke biyan û ne normal in”. bi sedema ” Derzîdanên ku li her şêst navendî bo zarokan hatin dayîn, eynî derzîdanên Sorika û Sorika Elmanî ne ku li Cîhanê tevî bikar tên ” û tekez kir ” Hemû derzîdanên ku li her şêst navendî hatine belavkirin ji berhemên heman kargehê ne, hejmara heman girûpê liser nivîsî ye, û ta meha Rêbendan sala 2016an tên bikaranîn”.
Girûpê daxuyaniya xwe bi tekeziyê berdewam kir: ” Hemû qutîkên vaksînan pîlêta hestyariya reng ya çakiya vaksînê û mercên nimûneyî di pileyin germahiya destnîşankirî tê parastin, û berdewam di bin çavdêriyê de ye. Di destpêkê de tekezî ji mercên veguhistinê û parastinê ji aliyê rêvebiriya Tendirustiya Idlibê ya Azad bû “. hemû mirî li navenda tenderustî li bajarê Cercenaz li gundewarên Idlibê ne.
Hêjaye gotinê di dîroka bikaranîna vê vaksînê li sernserî cîhanê tev de hîn ev hejmar ji rewşên kirîza alarcya çênebûne, tev tê zanîn ku derzîdana Sorika dibe ku kirîza alarcya ji her Melyon zarokî bi yekî re çê dibe. Ji alî xwe de Wezareta Dadweriyê di Hikûmeta Sûrî ya Demkî de ji Encumenê Dadmendiya Sûrî ya Azad û serbixwe xwest ku komîtek lêpirsîna dadmendî, yasayî, û serbixwe hemû desthilat di destê wê de hebin çêbike, ta ku sedemên bûyerê yên rastîn nas bikin, û kêşeyê dorpêç bikin, biryarên yasayî yên tên xwestin ji bo şopandina sedemdaran û mafê kesên ku ziyan li wan hatine biparêze.
Hêja ye gotinê ku Wezareta Dadweriyê di Hikûmeta Sûrî ya demkî de daxuyaniyek derxist, tê de destnîşan kir: ” beşdariya wê bi birayên wê yên Sûrî re di boblata wan ya êşdar de ji bo her zarokekî sûrî ku birîndar bûye yan şehîd ketibe, ger kî sedem be, û çi alî li pê sekinî be, gotin nikarin salixa tiştê ku di 16/9/2014an çêbûye bide”.
Herweha zêde kir ku wê ji encumena dadmendiya Sûrî a serbixwe xwest komîtek lêpirsîna dadmendî, yasayî, û serbixwe hemû desthilat di dest wê de hebin ta ku sedemên bûyerê yên rastîn nas bikin, berpirsyarê dorpêç bikin, biryarên yasayî yên hewcedar bo şopandina sedemdaran û mafê kesên ku ziyan li wan hatine biparêze.
Jêder: Hikûmeta Sûrî ya Demkî
