Hêzên rêjîma Esed bi alîkariyeke yekser ji balafirên Rûsiya di operasyonên topbaran û pêkanîna tewanên cengê li herêmên tijî sivîl berdewam e, da Idlibê ji xelkê wê vala bikin, û ew êrîş bûn sedema çêkirina komelkujiyekê li bajarê Erîha û bidehan sivîl tê de bûn qurbanî.
Û çalakvanin xwecihî gotin ku balefirên Rûsiya bi rengekî yekser nexweşxana Erîha başûrî bajarê Idlibê armanc kirin, û ew bû sedema wêranbûna nexweşxanê û şehîdketin û birîndarbûna 45 kesan.
Û rêxistina Berevaniya Sivîl, diyar kir ku wêranbûna nexweşxanê hişt ku 10 sivîl bibin qurbanî, di nav de 5 jin û zarokek hebûn, û birîndarbûna 35 kesên din ku rêvebirê nexwşxanê û birînpêçek di wan de bûn, û 5 birîndar bo nexwşxanên Tirkiyê hatin veguhistin.
Herweha balefirên cengê yên Rûsî, roja çarşma bûrî, komelkujiyek li gundê Kefirlaha başûrî bajarê Erîha yê girêdayî Idlibê pêk anî, û tê de 27 sivîl bûne qurbanî.
Û Hevbendiya Niştimanî ya Hêzên Şoreş û Rikberiya Sûrî, dît ku civaka navdewletî berpirsyariya tiştê ku li Idlibê dibe hildiger, û Hevbendiyê nerazîbûna gelê Sûriyê gihand şanderên dewletên dost, û dilgiraniya gelê Sûriyê ji şêweyê serederiya civaka navdewletî bi rewşa Idlibê re diyar kir.
Jêder: Ofîsa Ragihandinê ya Hevbendiya Niştimanî ya Sûrî