Çalakvanên gundewarê Helebê gotin ku duhî di êrîşên firokên Rûsiya de li ser bajarokê Kefrnaha li gundên rojavayê Helebê, 22 kes şehîd ketin, û diyar kirin ku piraniya şehîdan jin û zarokan in.
Û ligor çalakvanan, taxên nişteciyan li bajar û bajarokên Atarib û Xan Ele’sel û Oroma mezin li gundewarê rojava yê Helebê, rastî heman êrîşên Rûsiya hatin.
Ev yek dibe di dema Rûsiya dibêje ku wê bombebarana li ser Helebê rawestandiye ji bo “agirbestek mirovî”, ku duhî roja înê ji demjimêr 9’ê sibehê destpê kir û heta demjimêr 7’ê heman rojê bidawî bû.
Herwiha têzanîn ku Rûsiya gef dabûn bi berfirehkirina rûberê oparesyonên xwe yên leşkerî li ser Helebê piştî agirbest bi dawî bibe, û herwiha şandina gelek gemiyên şer li hinda qeraxên Sûriyê bo bikaranîna wan li dijî gelê Sûriyê.
Li gundewarê Şamê û ligor gotinên çalakvanan, bajarokê Dûma û kampa Xan Elşîh li gundewarê rojava rastî êrîşên esmanî hatin û şer û pevçûnên dijwar li dorubera Xan Elşîh derketin û bajorkê Elrîhan ji aliyê firokên Rijêmê hat bombebarankirin.
Li aliyek din, ji aliyê “Tora Nûçeyên Idlibê”amarên bombebarankirina li ser parêzgeha Idlibê di heyamê heyva bûrî de hatin dîkomentkirin, ku di sercem navçeyên parêzgeha Idlibê de 240 şehîd ketin, 41 zarok û 24 jin û pizîşkek û mediyakarek di nav wan de hebûn. Herwiha 8 komelkujî li dijî sivîlan di parêzgehê de û 58 êrîşên esmanî yên firokên şer yên Rûsiya, û 24 êrîşên bi bombeyên weşî û 7 êrîşên fisfora şewtandinê û napalima qedexekirî li ser bajar û bajokên parêzgehê di heyamê heyvekê de hatin dîkomîntkirin.
Herwiha Tora navborî, armanckirina 13 xwendingeh û 3 nexweşxane û 6 mizgeft û 3 navendên Bergiriya Sivîl û avahiya encûmena xwecihî û kolîja pizîşkî li bajarê Kefrtaxarîm ji aliyê firokên şer û hilîkopterên Rêjimê û Rûsiya dîkoment kirin.
Jêder: Nivîsîngeha Ragihandinê ya Hevbendiya Niştimaniya Sûriyê
