Tîma Hevrêzkara Bersivdanê di daxuyaniyeke xwe de duhî çarşembê aşkere kir ko bêtir ji 9500 sivîlî di du rojên bûrî de ji encama bombebarana hêzên Esed û Rûsya li ser herêma bêçek li gundewarê Idlib û Hemayê derbider bûne.
Daxuyaniya Hevrêzkarên Bersivdanê anî ziman ko hêzên rêjîmê û Rûsya bêtir ji 73 cihan li gundewarê Hema, Idlib û Helebê û bi taybetî li Sehil Elxab di 48 demjimêrên bûrî de amac kirine, ji wan cihan bargehên bijîşkî, fêrkirinê, kampên derbideran û jêrxan, di encamê de bi dehan sivîl şehîd û birîndar bûne.
Bombebarana tund ya hêzên Esed û firokên wê hişt ko 90% ji niştecihên gundê Kefer Nibûde li gundewarê Hemayê li gora Encûmena xwecihî ya gund, her weha 40 hezar kes ji bajarokê Qelet Elmedîq bi sedema bombebaranê di 77 rojan de derbider bûne.
Daxuyaniya tîma hevrêzkarên bersivdanê daxwaz ji rêkxistinên mirovî û yên hawarhatinê kirin ko piştgiriya yekser ji sivîlên ziyan ji hêla hêzên rêjîmê û Rûsya ve li wan bûye pêşkêş bikin, encama bombebarana asmanî ya firokên cengî ya rêjîmê û Rûsya duhî li ser bajar, gund û bajarokên Idlib hejmarek sivîl ji nav wan jin û zarok şehîd û birîndar ketine.
Hevbendiya Niştimanî ya Hêzên Şoreşê û Rikberiya Sûriyê di daxuyaniyeke xwe de tekez kir ko êrîşa hêzên rêjîmê bi piştgiriya dagîrkerên Rûsya û milîtanên Îranî ji sê rojan ve li ser herêmên gundewarê Hemayê yê bakur-rojava binpêkirina peymana herêmê û peymana Cinêvê di nebûna tekûz ya civaka navdewletî û têkçûna wê di berpirsiyariyên wê de derbarê saxlemî û ewlehiya sivîlan.
Hevbendiya Niştimanî di daxuyaniya xwe de got ku giring e aliyên kartêker tevbigerin bo sivîlan rizgar bikin û bi taybetî jin û zarokan û operasiyonên bombebaranê û koçkirina komelî ya li ser xakê dibe rawestînin û nehêlin bêtir sivîl şehîd bikevin.
Herêmin berfireh li parêzgeha Idlib û Hemayê ketine ber operasiyonine tund yên dijminane, ko gund, bajarok ketine ber bombebarana rêjîmê û Rûsya di encamê de kuştî û birîndar ji sivîlan ketine, tev ko herêm di peymana Rûsya- Turkiyê ya rawestandina bombebaranê de ye.
Ofêsa Ragehandinê ya Hevbendiya Niştimanî
