Parastina sivîl ya Sûrî (Kumên Spî), duhî bi xelata “Elie Wiesel” ya sala 2019’an, ji aliyê Muzexana Holocaust ya Memorial ya Amerîkayê hat xelatkirin, li ser rola wê ya çalak li deverên rastî bombebarana hêzên rejîmê û Rûsya dibin, û herwiha li ser “wêrekiya wê ya balkêş” di rizgarkirina jiyana welatiyên sivîl de.
Serokê muzexanê, Howard Lorber, bi helkefta xelatkirina xwebexşên Parastina Sivîl got ku “rejîma Esed bê rehem welatiyan û xwebexşên Rêxistina (kumên spî) yên jiyana xwe têxin metirsiyê ji bo rizgarkirina hevwelatiyên xwe armanc dike”.
ku Muzexaneya Holocaust li Washington ji berî niha jî mêhvandariya pêşangehekî li jêr navê “em bi hêvî ne me ji bîr nekin” kir, ku têde belgeyên giring pêşkêş kirin li ser gunehbariya rejîma Esed bi kiryarên îşkenceyê li dijî kesên binçavkirî di girtîgehên wê de, û muzexan giringiyeke mezin dide mijarên mirovî yên girêdayî fayilê Sûrî, bi taybetî li ser pirsa girtiyan.
Û muzexanê piştgirî da belgefîlmekî çalakvanê Sûrî Mansûr Al-Omarî, ku behsa çîrokên kesên girtî yên hatine serbestberdan ji girtîgehên rêjîmê dike û behsa çîroka kirasekî dike ku li ser navên hin girtiyan hatibûn nivîsandin yên di navendên îstîxbarata rejîma Esed, û projeyeke ji bo analîzkirina kiras hat ragihandin, û eşkerekirina navên ku tîpên wan hatine şêwandin, ji bo agahdarkirina kesukarên wan, yên ku ji çend salan ve tiştekî li ser çarenivîsa wan nizanin.
Derbarê xelatê, parastina sivîl bi riya platforma xwe ya fermî bi rêya “Twitter” got ku “îro di dema ku tîmên parastina sivîl radibûn bi karê hawarhatinê bi sedema zêdegaviyên leşkerî yên li bakurê Sûriyê, nûçeyê xelatkirina Parastina Sivîl wê bi xelata “ElieWiesel”, ji aliyê Muzexana Holocaust li Amerîkayê gihişt”.
Hevdem ku ji berî niha jî bi “Oscar” li sala 2017 li ser baştirîn belgefilmê xebata wê ji bo rizgarkirina sivîlan hatibû xelatkirin, û rêxistinê xelata niha dît weke danasîn li ser hewldanên xwebexşên wê ji bo parastina rûmeta mirovan.
Ji aliyê xwe ve, Hevbendiya Niştimanî ya hêzên şoreş û rikberiya Sûriyê dît ku xudanên kumên spî wê bimînin sembola cangorî, dilsozî û mirovahiyê, û hewldan û qehremaniya wan dê bimîne cihê serbilindî û pêzanînê, tevî roleke mezin di rizgarkirina jiyana welatiyan de, ku şahidiya wan, dê xwîna şehîdan biparêze û dê bihaneyek bêhampa be ji bo mehkûmkirina tawanbar û sponsorên wan.
Tê zanîn ku xelata “Elie Wiesel” li sala 2011 ji aliyê Elie Wiesel (yek ji kesên filitî ji Holocaust) hat diristkirin û kesên navdar li seranserî cîhanê pê têne xelatkirin li ser xebata wan ji bo pêşxistina boçûna muzexanê ji bo dijberiya stem û qirkirinê û xurtkirina rûmeta mirovan.
Jêder: Ofîsa Ragihandina Hevbendiya Niştimanî ya Sûrî /Enab Baladi
