Hêzên rêjîma Esed di kampaniyên xwe yên girtina nerewa de li hemû herêmên bin kontrola xwe de berdewam in, û rêkxistinên mafnasiyê tekez kirin ko bi dehan sivîl tevlî jin û zarokan di meha bûrî de hatine girtin.
Toreya Sûriyê ya mafên mirovan di raporta xwe ya duhî pêncşemê derket de, girtina nekêmî 459 kesan, 34 ji wan zarok û 23 jin in, belgeh kirine.
Toreyê di raporta xwe de diyar kir ko rêjîma Esed 325 kes, 23 ji wan zarok û 17 jin in girtine, her weha milîtanên PYD dora 55 kesan şeş zarok û sê jin di nav wan de girtine, û desteya Tehrîr Elşam 48 kes girtine, zarokek û jinek di nav wan de hene, û aliyên din 31 kesên ku ew jî zarokek û du jin di nav wan de hene girtine.
Toreyê di heyva nîsana bûrî de 147 xalên têwerdan û lêgerîna malan belgeh kirine, ji wan 102 yên hêzên rêjîmê û 19 yên milîtanên PYD ne.
Toreyê di raporta xwe de tekez kir ko 272 rewşên girtinê bûne veşartina kotekî, her weha destnîşan kir ko rêjîmê sivîlên ji bakurê Sûriyê vegeriyane girtine, piştî ko ew bi kotekî bi peymana lihevkirinê koçber kirine.
Toreyê di raporteke xwe ya 22 heyva bûrî de anî ziman ko 127916 kes, ji nav wan 3469 zarok û 7721 jin, hêj di zindanên rêjîmê de girtî ne û nekêmî 82 hezar kesan bi kotekî hatine veşartin.
Toreya Sûriyê ya mafên mirovan ji Encûmena Ewlehiyê daxwaz kir ko sizayên tund li ser rêjîma Esed û hevalbendên wê feriz bike, ji ber ew tawankariyên mezin derheqê miletê Sûrî de ji destpêka şoreşa Sûriyê de pêk tînin.
Jêder: Ofîsa Ragihandinê ya Hevbendiya Niştimanî ya Sûrî
