Encumana niştimanî ya kurd li Sûriyê ENKS bi amadebûna endamên ofîsa têkiliyên derve li baregeha PDK-S li bajarê Qamişlo roja pêncşemê 3-12-2015 bi amadebûna komîta têkiliyên derve civata xwe lidar xist.
Civatê karê tevaya ofîsên ENKS nirxand, û serdana Ofîsa Têkiliyên Derve ji balyozxaneyên welatên biyanî re ji civatê re ji hêla endamên wê ofîsê hate şirovekirin.
Fêsel Yûsif endamê ENKS ji malpera Hevbendiyê re ragihand ku karê ofîsên Encumanê û çalakiyên xwecihiyên wê ji hêla civatê ve hate nirxandin.
Yûsif di ragihandina xwe de ji malpera me re diyar kir ku Encumanên xwecihî yên ku bi çalkiyan rabibûn hatin spaskirin, û got “me doza kar û çalakiyên dîtir li Encumanên xwecihî li dijî kiryarên têne kirin û biryarên têne stendin ji hêla partiya Yekîtiya Dîmuqrat PYD ve di derheqê gelê me de kir, û bi boneya roja cîhanî ya mafê mirovan wê ENKS mangirtinekê li bajarê Qamişlo di 10 vê heyvê de lidar bixe “.
Di heman demê de endamê ENKS bal kişand ku Hewas Egîd bi şêweyekî demkî wek nûnerê ENKS di desteya siyasî ya Hevbendiyê de hate destnîşankirin di cihê Selah Derwîş de yê ku partiya wî xwe ji Encumanê vekişandbû.
Tê zanîn ku partiya Pêşverû ya kurd piştî lidarxistina kongirê xwe yê çardemîn xwe ji Encumana niştimanî ya kurd li Sûrî ENKS vekişand.
Jêder : Hevbendî
