Jêderin ragehandina xwecihî dibêjin ku malbateke humsî di riya lîsteyên mirinê re yên ko rêjîm ji navendên nifûsê yên parêzgehan re dişîne, agahdar bûye ku heşt kes ji malbata wan di zindanên rêjîma Esed de hatine kuştin.
Acansa Simart ya ragehandinê got ko qurbanî ji malbata Eyûb a ji bajarê Resten ê bakurê Humsê ne, û mirovên wan di riya lîsteyên mirinê re li Fermanberiya Karûbarê Civakî agahdar bûn, dema dixwestin hin belgeyên malbatê derxin.
Û diyar kir ku navê girtiyan: Mixêber Mihemed Eyûb, Mihemed Fedil Eyûb, Ebdilkerîm Mihemed Eyûb û Hekem Elî Eyûb, Mihemed Ehmed Eyûb, Ibrahîm Ehmed Eyûb, Yûsif Ehmed Eyûb û Husam Taha Eyûb in, û bal kişand ser ku ew di demên corbicor ên navbera sala 2011 û 2013ê de hatibûn girtin.
Hevbendiya Niştimanî ya Hêzên Şoreşê û Rikberiya Sûriyê dibîne berdewambûna rêjîmê di operasiyona kuştin û êşkenceyê dijî girtiyan, dide xuyakirin ko ew di rêbaza xwe de ya ko hemû hevrikên xwe tune bike berdewam e.
Hevbendiya Niştimanî ji rêkxistinên navdewletî yên têkildarên mafên mirovan û Netewên Yekgirtî, daxwaz kir ko fişareke jidil bidin ser alî û dewletên bandora wan li dosya Sûrî heye, ji bo rêjîmê neçar bikin li ser diyarkirina çarenivîsa bi dehhezaran sivîlên bi kotekî hatine veşartin, û yekser girtiyên mane di zindan û şaxên ewlehiya rêjîmê de bêne berdan.
Toreya Sûriyê ya mafên mirovan di raporta xwe ya 26ê cehzeranê 2018ê de, bêtir ji 13hezar kes bi sedema êşkenceyê li Sûriyê hatine kuştin belge kirine, piraniya wan bi destê hêzên rêjîmê ne.
Her weha rêkxistinin mafnasiyê yên xwecihî û navdewletî anîne ziman ko berdewambûna rêjîmê di veşartina kotekî û girtinê û redkirina berdana wan de, gumanê li ser çarenivîsa wan çêdike.
Çalakvanin sivîl û hin mafnasan gotin ku giring e sersarî ji aliyê Netewên Yekgirtî û rêkxistinên navdewletî ve çênebe, û fişarê bidine ser rêjîmê da çarenivîsa bi sedhezaran girtî û veşartiyên kotekî di zindanên wê de aşkere bike, û dadpirsîn di tawankariyên derheqê wan de kirine bibe.
Jêder: Ofêsa Ragehandinê ya Hevbendiya Niştimanî
