Toreya Sûrî ya mafên mirovan di dawîtirîn raporta xwe de ya roja pêncşemba bûrî derketiye, eşkere kir ko hêzên rêjîmê û Rûsya nekêmî 16 dijminkariyan dijî navendên zindîdar yên sivîl li Sûriyê pêk anîne, ji nav 31 navendên ku di eylûla bûrî de zêdegavî dijî wan hatine kitin.
Toreyê di raporta xwe ya mehane de tekez kir ko 31 navendên zindîdar di eylûla bûrî de ketine ber zêdegaviyan, û belgeh kirine ku 16 zêdegavî ji wan bi destê hêzên rêjîmê û Rûsya pêkhatine.
Raportê diyar kir ko Rûsya berpirsiyar e di ber deh bûyerên ko ew navend amanc kirine de, û hêzên rêjîma Esed berpirs in di ber 6an de, û hêzên hevpeymana navdewletî di ber 3an de, û aliyin leşkerî yên nediyar çar, û rêkxistina Daiş yek û hin aliyên din 7 pêk anîne.
Toreyê diyar kir ko ew navendên hatine amanckirin, 16 li Idlib in, 6 li Helebê ne, 6 li Hemayê û çar li Dêra zorê ne.
Raportê got ku zêdegavî dijî navendên sivîl ku 11 ji wan jêrxan in, û 4 navendên olî ne, û heft navendên bijîşkî ne , û 9 yên perwerdeyê ne, ketine ber bombebaranê de an bûyerên mayînan û teqînên corbicor li wan bûne.
Her weha ev navendên ketine ber zêdegaviyan bargehên bijîşkî, perwerde, jêrxan û bargehên olî û hinên din û navendên ji bo karê sivîl in, yên ku li gora pirotokola peymanên Cinêvê kar dikin.
Berê jî toreyê 250 bûyerên zêdegaviyan ji destpêka salê heta destpêka çêriya yekem belgeh kirine, û daxwaz ji aliyê Rûsî kir ko vekolînê di bûyerên ko di raportê de hatine bike, û civaka Sûrî bi encamên vekolînê agehdar bike û tawankaran siza bide, û navendên ziyan li wan bûye dîsa amade bike, û malbatên qurbaniyan qerebo bike.
Tê destnîşankirin ko madeya 62 ji pirotokolê ya bi peymana cinêvê ve girêdayî ye, diyar dike ko navendên sivîl ên zindîdar ew in yên ku beşdariyê di karên leşkerî de nakin, û êrîşên leşkerî li ser wan ji kîjan alî be qedexe ye.
Jêder: Ofîsa Ragihandinê ya Hevbendiya Niştimanî ya Sûriyê
