Çalakvanin xwecihî gotin ku êrîşên asîmanî û bombebarana tund yên hêzên rijêmê û hevpeymanên wê, doh sêşembê, 2 komelkujîyên tirsnak li gundewarê helebê pêk anîn, yek jê li bajarokê “Keferteal” û ya din li bajarokê “Kefernoran” bû.
Û çalakvanan da xwiyakirin ku komelkujiya li bajarokê Kefertealê çêbûye, têde 10 kes bûne qurbanî, 8 ji wan ji heman malbatê ne, û komlkujiya li bajarokê Kefernoran pêk hatiye, 8 kes kirin qurbanî, herweha mirovek ji gundê Tiqad , 2 li gundê Kefernaha, û sê zarok jî şehîd ketine, 2 jê li gundê Cidraya û yek li gundê Erhab.
Û li parêzgeha Idlibê û gundewarê wê, Berevaniya Sivîl tekez kir ku 2 kesan jiyana xwe jidest dan û 8ên din birîndar bûn, ji ber topbarana asîmanî ya rijêmê û Rûsiyê, ya ku dijî 14 herêman pêk hat, di riya 23 êrîşên asîmanî û 6 topên topxaneyan û 14 mûşek ji avêjtokên zemînî.
Û 4 mêr ji encama topbarana asîmanî ya rûsî li ser bajarê Meeret Elnuhman ya bi ser parêzgeha Idlibê ve birîndar bûn, her weha bajarokên Elbara , Ihsim, Babîla, Maseran, Keferroma, Eldêr Elşerqî, Tilminis, Meerşorîn, Meerdebse, Xan Elsibil û Eldana bûn armancên wê topbaranê, tevlî herdû bajarokên Bidama û Merend yên gundewarê Idlibê yê rojava.
Ev helmeta dijminkarî ya rijêmê û Rûsiya dijî gundewarê Heleb û Idlibê, tevî hebûna paymanek agirbestê di nav Tirkiyê û Rûsiya de pêk tê, wek temkirinekê ji operasyona leşkerî re ya ku rijêmê û sponserên wê ji 25 nîsana 2019an de dest pê kiriye.
Jêder: Ofîsa Ragihandinê ya Hevbendiya Nişrimanî ya Sûrî
