Hêzên hevpeymaniya navdewletî ya bi serpereştiya Waşinton, kuştarek li rojhelatê Dêra Zorê duhî duşembê pêk anîne, di encamê de hejarek sivîlên ku jin û zarok jî di nav wan de bene hatine kuştin , dema wan dawîtirîn cihê rêkxistina Daiş bi topan û bidehên êrîşên asmanî amanc dikirin.
Alavên ragehandina xwecihî ji jêderine meydanî guhastine ko deh sivîl şehîd ketine, dibe zêde jî bibin, û bi dehan birîndar bûne, piraniya wan jin û zarok in, bi sedema ko firokên hevpeymana navdewletî êrîşên asmanî birine ser bajarokê Elbaxoz yê li jêr kontrola rêkxistina Daiş e.
Jêderan got ku hêzên hevpeymana navdewletî bi top û mûşekan kampeke sivîlan li derdorê Elbaxoz amanc kirin, di encamê de bi dehan kes ji nav wan zarok û jin şehîd ketine û hejmarek çadir şewitîne.
Jêderan got ku beşên dawî yên di destê rêkxistina Daiş de mane li rojhelatê Dêra Zorê, ketine ber bi sedan êrîşên asmanî, di heman çaxê ko milîtanên PYD ragehandine ko ew şerê dawî ye li dijî rêkxistina Daişê li rojhelatê Feratê.
Toreya Beledî ya nûçeyan ji devê jêderine xwecihî ragehand ko bêtir ji 50 sivîlî piraniya wan zarok û jin in hatine kuştin, û bi dehan birîndar bûne bi sedema topbaranê û êrîşên asmanî li beşê ko li jêr kontrola Daişê ye li gundê Elbaxoz li gundewarê rojhelat yê parêzgeha Dêra Zorê.
Li herêmê tevgereke derbideriya sivîlan ji herêma kontrola Daiş ji bajarokê Elbaxoz û Elsefafine ber bi herêmên kontrola PYD ve çêbû, da bêtir komkujî derheqê wan de çênebin.
Hevbendiya Niştimanî ya Hêzên Şoreşê û Rikberiya Sûriyê behaneyên Hevpeymana navdewletî red dike, û daxwaza sizakirina kesên berpirs kir, û ew hêz haydar û hişyar bin dema êrîşên asmanî dijî Daiş pêk tînin.
Jêder: Ofêsa Ragehandinê ya Hevbendiya Niştimanî
