Girûpek ji diyartirîn hêzên leşkerî, di daxuyaniyekê de tekez kirin ku ew pabendiyê bi hîç agirbestekê nakin, eger tevaya navçeyên rizgarkirî bi xwe ve negire.
Daxuyaniya ji aliyê çendîn tabûran ve hatibû derxistin – di nav wan de Artêşa Îslamê, ya ku navçeyên rojhilata Şamê kontrol dike- got ku “em bi her awayekî piransîpê parçekirina agirbestên navçeyî qebûl nakin”.
Herwiha aliyên li ser daxuyaniyê emze kirine, tekez kirin ku ew her êrîşekê li ser navçeyek ku ew têde bin wek êrîşekê li ser sercem navçeyan dibînin, û ji mafê xwe dîtin ku bersiva êrîşan bidin di cih û demên ew bibînin de.
Ev helwest ji aliyê van hêzan ve hat, piştî pêkanîna agirbesteke demkî di roja şembiya bûrî de li gundewarê Şam û Lazqiyê, ligor rêkeftinek Amerîkî- Rûsî, bê tevlîkirina Helebê di vê agirbestê de, Heleba her ji 22’ê nîsanê ve rastî oparisyonên bombebarankirinek dijwar tê.
Û Hevbendiya Niştimanî Ya Hêzên Şoreş Û Rikberiya Sûriyê, daxwaz ji Amerîka kiribû ku fişaran bêxe li ser Rûsiya ji bona rawestandina bombebarankirina berdewam li ser Helebê, ya ku bi sedan şehîd û birîndar têde ketine.
Serokê Hevbendiyê Enes Ele’bide, tekez kir ku rêjîma Esed û Rûsiya û Îran, piştî kuştarên Helebê, agirbesta di 27’ê reşemeha bûrî de destpêkirî jinav birin, û bombebarankirina Helebê bi tawaneke şer binav kir û daxwaza dadgehkirina berpirsyarên wê kir.
Jêder: Hevbendî + Anadol