Hêzên rejîmê dest bi kampanyayeke girtina bi dehan welatiyên sivîl li gund û bajarên rojhilatê Dêrazorê kiriye, piştî vegera xelkê li ser cih û warên xwe piştî barkirineke bi dirêjahiya çend megan ji ber şer pevçûnên li wan deveran.
Dezgehên media xwecihî diyar kirin ku duhî ji aliyê hêzên ewlekariya leşkerî ya rejîma Sûriyeyê, rê li bajarokê “Albulêl” û gund “Elzibarî” li gundewarê rojhilat yê Dêrazorê girtin, û nêzîkî 35 sivîlan hatin girtin.
Media xwecihî da zanîn ku çi sedemên girtinê diyar nînin, û bi tenê ew kesên sivîl yên vê dûmahîkê vegeriyan li ser malên xwe hatine girtin, ku ji ber şerên li herêmê yên di navbera rêjîmê û rêxistina çeteyên DAIŞê de koçber bibûn.
Herwiha di 25ê îlonê de, gelek sivîl ji bajarokê “Subixan” yê li rojhilat ji aliyê hêzên rejîmê hatibûn girtin.
Ev bûyer hevdem tên li gelek kampanyên girtinê yên berfireh ji aliyê hêzên rejîmê li deverê din jî yên peyman bi darê zorê li wan hatine îmze kirin, û Tora Sûrî ya Mafên Mirovan di rapora xwe ya nû de gotiye ku piraniya dozên girtinê yên keyfî li dijî dijberan li navçeyên peymanên bi darê zorê dibin.
Û çalakvanan hişyarî dan li ser pêkanîna kiryarên îşkence û bidarvekirina girtiyan, û tekez kirin ku rejîm hemû rêkeftinan binpê dike û rijde li ser kuştina hemû rikberên xwe.
Ji aliyê xwe ve, Hevbendiya Niştimanî ya hêzên şoreş û rikberiya Sûriyê ragihand, ku hêzên ewlekariya rejîmê dê berdewam bimînin li ser aloziyan li dijî sivîlan heger bi rastî nekevin di bin fişareke rastîn de ji aliyê civaka navnetewî, û bal kişand ku rejîm bi van kiryarên stemkarî nerastgoyiya daxuyaniyên Rûsan li ser garantiyên ji bo sivîlan yên ji bo vegerê piştrast dike.
Jêder: Ofîsa Ragihandina Hevbendiya Niştîmanî ya Sûriyê
