Balafirên hêzên rejîma Esad û Rûsya, berdewam in li ser bombebarana niştecîhên devera kêmkirina zêdegaviyan li bakurê Sûriyê, bi taybetî jî li ser deşta Idlibê, û li gor çalakvanan ku gelek êrîşên esmanî her ji duh ve hatine pêkanîn û bûne sedema şehîdketin û birîndarbûna hejmarek ji welatiyên sivîl, di nav de jin û zarok.
Ev yek hevdem hat ligel belavbûna raporteke nû ji aliyê Tora Sûrî ya Mafên Mirovan li ser hejmara qurbaniyên sivîl, û sedem vegerand li ser armanckirina deverên şêniyan û xalên bijîşkî û bazirganiyê bi awayekî rasterast.
Hin torên media navxweyî ragihand ku du kes şehîd ketin û yek birîndar bû ji ber operasyona şeva borî li ser gundewarê Idlibê, û diyar kir ku zêdetir ji 60 êrîşan ji aliyê balafirên şer yên Rusya û helîkopterên rejîma Esed li ser 12 bajar û bajarokan hatin pêkanîn, û bal kişand ku di her êrîşekê de bi kêmanî sê mûşek hatine avêtin, di nav de dinemêt û bombeyên goşeyî yên qedexekirî.
Li gor Parastina Sivîl, bajarê”Xanşêxon” li deşta Idlibê bi 19 bermîlên teqîner ji helîkopterên rejîma Esed û bi 17 mûşekan hat bombebarankirin.
Parastina Sivîl, tekez kir ku bajar bi rêya heft helîkopteran hat bombebarankirin, ligel topbarana tax û derdora bajêr bi top û mûşekan, û bal kişand ku bajarokê “Rikaya Siscnê” jî li deşta Idlibê bi zêdetir ji 50 mûşekan hin jî bi keresteyên napalim hat topbarankirin, û herwiha jî bajarê “Mi’ret Hurma” bi Bombeyên goşeyî yên qedexekirî hat topbarankirin.
Tîma “kordînatorên bersivdanê” duhî di raporteke xwe ya nû de gotibû ku her bêhtir ji 21 heftiyan ve, 850 kesên sivîl hatine kuştin, herweha bêhtir ji nîv milyonî hatine koçberkirin, piraniya wan ji ber zêdebûna êrîşên leşkerî li herêmê ji aliyê rejîmê û Rusyayê ve ne.
Hevbendiya Niştimanî ya hêzên şoreş û rikberiya Sûrî, kiryarên bombebaranê ligel hejmarek ji aliyên navnetewî gotûbêj kiribûn, û êrîş wek tawanên şer dîtibûn, ji bo têkşikandina hewldanên navnetewî yên ji bo agirbestê û çareseriya siyasî li gor biryarên navnetewî, bi taybetî jî daxuyaniya Cinêvê û biryara 2254.
Jêder: Ofisa Ragihandina Hevbendiya Niştimanî ya Sûrî
