Ebdulrehman Elhac, rawêjkarê Hikûmeta Sûriya demkî bo karubarên perwerde û fêrkirinê tekez kir ku:”Hikûmet bawernameyên bekalorya yên taybet bi xwe derdixe li ser peyrewa xwendina Sûrî ya rastkirî, û niha li Tirkiya û Firinsa ev bawername pesend dibe ” û got” ku 20 qotabiyên Sûrî yên bawernameya bekalorya ya hikûmeta demkî wergirtine, bexşînên xwendinê li firensa bi dest anîn” û di hevdîtinekê de digel nivîsîngeha Hevbendiyê, Elhac amaje kir ku:” rêxistina ʺE´limʺ ew berpirsyare derbarî bawernameyên navincî yên Lîbî”. û herwiha Elhac zanyarî dan derbarê karê Hikûmeta demkî bo bidestanîna pejirandina bawernameyên ji bal Hikûmeta demkî hatine dan ji welatên din yên yekîtiya Ewropî (YE) û herwiha ji Amîrika û dewletên Erebî yên layengirên şoreşê”. û derbarê nirxandina Wezareta perwerdê li ser rêjeya serkeftinê û pilebilindan di bawernameyên navincî de ya ku pêr encamên wê hatîn ragihandin, Elhac got:”rêjeya serkefinê navîn e, û ew rêje diyar dike ku pirosêsa ezmûnan li jêr merc û pîvenên tund hat kirin, ku di rêçûnên pirosêsa ezmûnan de gelek çavdêr û pisporên perwerdeyê yên navdewletî amade bûn, û çavdêriya rêveçûna pirosêsê kirin û raportên pîşeyî nivîsandin li ser pirosêsa navhatî, anku asta coreyî zor bilinde, û pilan hatibû danîn ji bal pispor û şehrezayên sûrî û encamdana wê bi pileyeka pîşeyî bilind bû”, û diyar kir ku:” em dikarin bêjin ku ezmûn bi serket, û ev pîverên tund dê alîkar bin da bêhtir danpêdan bi bawernameya navenciya giştî ya wezareta perwerde û fêrkirina hikûmeta demkî derdixe bête kirin “. herwiha Elhac balkişand li ser”karê wezaretê bo pêşxistina rêbaza xwendinê, û pêşxistina piroseya perwerdeyî bi rêka meşq û rahênên pîşeyî bo mamosteyan bo xurtkirina şiyanên wan, herweha hewlên bo zêdekirina jimareya qotabiyên bawernameya navincî ya ku hikûmeta demkî derdixe, da şûna bawernameya ku rêjîm dide bigire, û kar ji bo pirkirina belgenameyên perwerdeyî bo sercem qotabiyên sûrî yên di hindur û derveyî Sûriya de, û dabînkirina fêrkirina bilind ya ku wê hêviyan çêke bo bideh hezarên qotabiyan, çi bi rêka peymangehên pîşeyî, yan zankoyên nîştimanî yên hikûmeta demkî bi hêviye ava bike bi hevkariya dewletên dost, em bihêvî ne di demek nêzîk de bibînin”.
(jêder:Hevbendî).
