Rêvebiriya çandiniyê di Hikûmeta Demkî de têgihiştinek bo pêdana tovê genim bi buhayê 226 Hezar Dolar ê Emrîkî bi bernameya ” Bi Keskayî” re imze kir. armanca rêkeftinê vejandina çandina genim li sê deveran ji Sûriyê ye ew jî ev in: Izaz û Etarib (li Gundewarê Helebê), û Me`eret Misrîn (Gundewarê Idlib). Li gor jêderin haydar wê ev piroje komek ji armancên hevgirtî pêk bîne, ji bo kêmkirina derdeseriya Sûryan di riya pirojeyek istratîjî yê geşpêdanê de, û têkoşîna dijî birçîbûnê û pêkanîna ewlekariya xwaremeniyê bi riya berhemdan û geşpêdana keresteyên hawarçûnê .
Herweha wê piroje diyardeya veşartina genim bidawî bîne, û cureyên genim yên ku Sûrî bi wan navdar e biparêze ji ber genim semyanek niştimanî ye. ji bilî wilo wê piroje beşdarbûnê di dîtina derfetên kar di warê çandiniyê de ji gelek kesên bêkar re bike. Di warê aborî de wê pirojeya beşdariyê di hildana berhemdana genim li deverên tên xwestin bike, bo palê bidin ser mîna keresteyeke sereke û istratîjî.
Hêja ye gotinê ku wezareta diravî û aborî di hikûmeta Sûrî ya Demkî de, wargehên genim li parêzgeha Der`a spartin xwe, û hêzên şoreşger hemû navendên genim li deverên ku di bin destê Artêşa Azad de ne xistin bin rêvebiriya Saziya Giştî ya genim ku bi wezaretê ve girêdayî ye. rêvebirê Saziya Giştî ya Genim endezyar Hesan Elmihemed got: ” Ev gav nîv çareserî ye bo pirsgirêka ewlekariya xwaremeniya ku gefan li deverên derveyî desthilatiya rejîma Esed li Sûryayê dixwe”. Û wisa zêde kir: ” Karmendên saziyê yên li hinder in baş karzanî li gel wan heye û dikarin pirisgirêkên beşê genim çareser bikin, lê mezintirîn astengî di riwê kar de lawaziya rêxistina rêvebirî ye”.
Jêder: Hevbendî – Hikûmeta Demkî