Hikûmeta Sûrî ya Demkî, tekez kir ku rijêma Esed di bikaranîna birçîkirinê û tîkirinê li hin deverên rizgarkirî weke çekekê li dijî gelê Sûriyê yê daxwaza azadî û yasa û rûmetê kiriye de berdewam e.
Û Serokê Encumena Xwecihî ya bajarê Babê Mihemed Heysem Elzên Elşihabî, got ku bajarê Babê niha tî maye, ji ber ku derdeseriya kêmbûna ava bîran dikşîne, û berdewam kir û got ku piştî bajar ji rêxistina Daişê rizgar bû, rijêma tawankar dest danî ser westgeha Eyin Elbeyda ku westgeha bingehîn a ku avê dide bajarê Babê ye.
Û rapora vîdyoyî ya Hikûmeta Demkî, bal kişand ser ku rijêma Esed ta sala 2017an jî av digihand bajarê Babê û taxên derdora wî, tevî ku wê demê bajar di bin desthilatdariya rêxistina Daişê de bû.
Û raporê got ku piştî rizgarkirina bajêr û gundewarê wî ji rêxistina Daişê, bi operasyoneke hevbeş a Artêşa Niştimanî ya Sûrî û Artêşa Tirkiyê ve, rijêmê av ji ser bajêr û gundewarê wî birrî.
Tê zanîn ku bêhtir ji sêsed hezar sivîlên li bajêr û taxên derdora wî dijîn, û pêdviya bêhtirê nişteciyên bajêr û taxên wî bi avê heye, ji bo berdewamiya debara jiyana xwe bikin, zîdebarî ku çar hezar û pêncsed hiktar zeviyên çandiniyê li bajêr û taxên derdora wî di bin gefa zuhabûnê de ne.
Jêder: Ofîsa Ragihandinê ya Hevbendiya Niştimanî ya Sûrî
