Hunermenda Sûrî Emanî Al-Alî, xwe amade dike ji bo pêşandina hin tabloyên xwe yên li ser şoreşa Sûriyê, li bajarê Manchester yê Brîtanya, di bin navnîşana “The syrian apple”, her ji roja sêzdehê meha sibatê de.
Ev pêşangeha hunerî ji 30 tabloyên li ser Şoreşa Sûriyê pêktê, bi sponseriya komela “Rethink Rebuild Society”. Û hunermenda Sûrî sêveka kesk wek sembola tabloyên xwe destnîşan kiriye, û li gor gotina Emanî “Bandora wê li ser xelkê û tiştê aniye serê wan bi hemû nifş û regezên wan ve diyar dike “.
Emanî bi rêya daxuyaniyekê ji malpera “Huriya Press” ya medyayê bal kişandiye ku wê dixwest pêşî li bajarê Idlibê yekem pêşangeha xwe lidar bixe, lê derfet nebû ji ber rewşa nearam ya niha li wan deveran.
Hunermenda Sûrî Emanî Al-Ali, dê piraniya tabloyên xwe yên li ser şoreşa Sûriyê yên “li gor gotina wê” bi yek rengî hatine nîgarkirin pêşkêş bike, û wê hewl daye ji bo xwe dubare neke, nivîsandinê bi kar bîne ji bo parastina raman û wêneyên ku dixwaze li ser wan bixebite.
Û hunermenda Sûrî yekemîn pêşangeha hevbeş digel çend hunermendên din li Holanda li sala 2018’an de lidar xist, û tevlî cîhana komîk û çîrokên wênekirî bû, û paşî dest bi wênekêşiyê kir, wek arazûmendekê li destpêkê, û bo xwe kir pîşeyek piştî pêşketin û rahênana berdewam.
Amanî li sala bihurî, li Îdlîb a bajarê Sraqib li Idlibê bi sê tabloyan di pêşangeha karîkaturên şoreşa Sûriyê di çarçoveya kampanyaya “Sûriya bi çavên Idlibê” de beşdar bû, bi hevpariya li gel hejmareke mezin ji hunermendên sûrî ji hemû parêzgehên sûrî û yên diasporayê.
Emanî Al-Ali, endezyariya komputerê xwendiye, lê ew rijd bû li ser ku arazûya xwe pêşbixe û bike kar, û bû mamosteya wênesaziyê, û yekem wêneyê karîkatêr ji sazkirina wê di rojnameya “Sûriyetuna” li sala 2017 belav bû, ku bû destpêk jê re, û bi rêya karîkatêran behsa hindek kesayetiyan kir.
Jêder: Ofîsa Ragihandina Hevbendiya Niştimanî ya Sûrî
