Iran xwe amade dike ji bo vekirina navendeke nû li gundewarê rojhilatê Helebê ji bo fêrkirina zimanê Farisî, wekî beşek ji planên wê yên “gemar” ji bo sepandina hejmongeriya xwe ya çekdarî û çandî di nava civaka Sûrî de.
Li gorî rojnameya “Jorf News” li ser hin çavkaniyên xwecihî belav kiriye, Îraniyan ji berî çend rojan avahiyek li nêzîk navenda çandî ya bajarê al-Sifêra li başûrê-rojhilatê Helebê bi kirêdarî girtiye.
Li gorî rojnameyê, avahî ji aliyê Iraniyan ve dihête amadekirin, da bikin navendeke fêrkirina zarokan ji ziman û çand û ola Farisiyan re.
Tê zanîn ku şandeke Îranî ya din li roja duşemê serdana bajêr kiribû û têde aheng ji bo nasandina zimanê Farisî di hundurê Navenda kulturî lidar xistibû, û daxwaz ji serokê şaredariyê kiribû ku avahiyekê wek navend ji bo fêrkirina zimanê Farisî destnîşan bike.
Ku ji aliyê Îranê ve, çend navendên din li parêzgehên Sûriyê hatine avakirin, bi armanca belavkirina çanda xwe, bi taybetî di nav zarokan de, û sekreterê desteya siyasî ya Hevbendiya Niştimanî ya hêzên şoreş û rikberiya Sûriyê Riyad al-Hesen, berî demekê gotibû ku Iran hewl dide ji bo sepandina “çanda xwe ya mezhebî” di çarçoveya planên xwe yên “gemar” de ji bo sepandina hejmongeriya xwe li Sûriyê.
Al-Hesen, şûştina mejiyên zarokan û guhertina ramanên wan yên mezhebî, û amadekirina wan ji bo bibin şervan di paşerojê de, bi tawaneke şer dabû zanîn, û bang li civaka navdewletî, û rêxistinên mafên mirovan û UNICEF kiribû ku zarokan biparêzin û tawanên Îranê rewestînin.
Jêder: Ofîsa Ragihandinê ya Hevbendiya Niştimanî ya Sûrî
