Firokeyên perwane yê bi rejîma Sûrî ve girêdayî ne, 4 bermîlên teqîner bi ser taxa şêx Meqsûd li Bajarê Helebê avêtin, di encamê de sê sivîl şehîd ketin yek ji nav wan zarokê şîr e, û deh kes birîndar bûn. Sivîlên şehîd ketin ( Idnan Sebrî çawîş) ku temenê wî 56 sal e, û sivîleke dî nehate naskirin, herweha zarokekî şîr.
Ji birîndaran ên ku hatin naskirin : Mihemed Cano 58 sal, Asya Şêxo 33 sal, Nezmiye Mihemed 47 sal, Rojîn Hac Bekir 29 sal, yê zarok Nidal Mamo, Sîlvana Mustefa 20 sal (Jinek ducanî kurê wê ji ber çû piştî ku gulleyek li zikê wê ket). Mistefa Mihemed 17sal. zarok Fexrî Rezaq 11 sal. zarok Edhem şêxo 14 sal.
Hêja ye gotinê ku ev cara yekê ye ji berî salekê ve ku taxa Şêx Meqsûd li Helebê ku dikeve ber vê êrîşê ji hêla rejîma Sûrî ve.
Jêder: Bas News
