Ji encama Operasiyona leşkerî ya Rûsya û hêzên rêjîmê ya ku li gundewarê sê parêzgehên bakurê Sûriyê dibe, 268 kes şehîd ketine û bi dehan ji sivîlan birîndar bûne, û bi hezaran jî bi aliyê herêmên ku bêhtir aram in derbider bûne.
Operasiyona hevalbendiya rêjima Sûriyê û Rûsiya ya ku di heftiya xwe ya 11an de ye, li gora raporta dawî ya Tîma Hevrêzkariya Bersivdanê ya Sûrî ya ku doh derketiye, dora 200 hezar kes ji gund û bajarokên herêma kêmkirina şerî li bakurê sûriyê derbider bûne.
Raportê diyar kir ko ji encama bombebarana Rûsiya û rêjîmê di heftiya bûrî de, 14 sivîl şehîd ketin ji nav wan 5 zarok, û bi vê yekê hejamara qurbaniyên operasiyona leşkerî ya sisiya gîha 268 sivilan, ji nav wan 96 zarok, û bi dehan birîndar, herwiha mal, kolan û jêrxan yên li gund û bajarên amanckirî wêran kirin.
Di raporta tîmê de hat ku hejmara penaberan ji destpêka opersiyona leşkerî heta îro gîhaye 31713 malbatan(197574 kes), li ser bêhtir ji 35 navçeyên herêma Mertala Feratê û herêmên bakurê sûriyê hatine belavkirin.
Herwiha di raportê de hat ku rêjîma Esed û Rûsiya bêhtir ji 83 cihan li gund û bajarên bakurê Sûriyê yên li Idlib, Heleb û Hema belav in bombebaran kirin, û diyar kir ku operasiyonê kamp û dibistanên zarokan û navendên bijîşkî yên meydanî amanc kiribûn.
‘’ Tîma Hevrêzkariya Bersivdanê ya Sûrî ‘’ di raporta xwe de berdewambûna kirdeyên leşkerî yên dijminkarî ji hêla hêzên rêjîmê û Rûsya li dijî sivîlên Idlibê û herêmên derdorê pirotesto kir, ko amanca wan operasiyonan ew e, herêmên bêçek ji sivîlan vala bikin.
Tîmê di dawiya raprota xwe de bang li civak û rêkxistinên navdewletî kir ko bi berpirsiyariyên xwe derbarê sivîlên Idlibê rabin, û daxwaz kir ko bêtir bizavê bikin û alîkariyên lezgîn ji derbiderên ko ziyan ji operasiyona leşkerî ya dawî ya Rûsya û hêzên rêjîmê dîtine re pêşkêş bikin.
Jêder: Ofêsa Ragehandinê ya Hevbendiya Niştimanî
