Rêjîma Esed û balafirên Rûsya ji destpêkkirina kongreya Cenêv3, di 29ê Çilê Paşî heta sibeha îro, 300 welatiyên sivîl li Sûriyê kuştine.
Ji aliyê xwe ve Tora Sûriyê ya mafên mirovan kuştina 61 sivîlî ji wê hejmarê heta Duşema bûrî belgeh kir, di nava wan de 14 zarok û 11 jin hene.
Toreyê di daxuyaniyekê de diyar kir ku welatiyên sivîl yên ku di çar rojên destnîşankirî hatibûn kuştin, 30 ji wan li parêzgeha Helebê, 2 li Idlibê, 8 li gundewarê Şamê, 4 li Der’a û 16 li Dêra Zorê û şehîdek li Reqayê.
Herwiha Berdevkê Ragihandinê yê Şanda Bala ya Danûstendinan Riyad Ne’isan Axa Doh, daxwaz ji Civaka Navdewletî û Neteweyên Yekgirtî kir ku rêjîma Esed û Rûsya ji kuştin û tawankariya ku derheqê gelê Sûriyê dikin rawestînin, û pirsyar kir ku gelo armanc ji vê reftara tawankar ew e fişar li ser şanda danûstankar e yan sivikatî bi operasyona siyasî ya ku li Cenêvê pêk tê, û herwiha kesên ku siponseriya wê dikin ji Civaka Navdewletî?.
Axa got: “Em hatine da ku em ji Raya Giştî Cîhanî re bidin xuyakirin bê em pabendî vexwendina Neteweyên Yekgirtî û çareseriya siyasî bûne, lê di heman demê rêjîma Esed û Rûsya û Îran êrîşên xwe li ser gelê Sûriyê pir dikin”, û daxwaz ji Civaka Navdewletî kir ku berpirsyaretiya xwe derbarê rawestandina alava tawankariyê ya Rûsî û Esedî rabe.
Jêder:Hevbendî
