Di encama êrîşekê de, sibeha îro sêşembê, li ser bajarê Idlibê, bêtir ji 20 sivîlan şehîd ketin. Çalakvan dibînin ko ev binpêkirineke aşkere ye ji agirbestê re, ya ko ji 31 çilê pêşî ve ketiye warê cîbicîkirinê.
Çalakvanan wêneyên avahiyên di encama bombebaranê de wêran bûne belav kirine, û gotin ku bombebaran demjimêr 3:30 berbangê dest pê kir, û di pey re êrîşên asmanî hatin kirin, tê gumankirin ko ew ji çekên asmanî yên Rûsiya ne, taxên Emin Eldewle, Elkarton, Elqisûr, Wadî Elnesîm, Eldibêt, bazara bajêr, mizgefta Elşûeyb û Lîstgeha Şaredarî amanc kirine.
Çalakvanan bal kêşandin ser ko tîmên berevaniya sivîl hêj qurbaniyan ji bin wêraniyê derdixînin, û destnîşan kirin ko niştecihên bajêr ji ber bombebarana tund hêj di tirsê de ne, û xwe di qatên jêrîn de yên avahiyên bajêr de xwe veşartine.
Û doh 30 binpêkirin hatine tomarkirin û komîtên hevrêzkariya xwecihî diyar kirin ko 17 kes şehîd ketine, şehîdek ji Medaya di nav wan de heye, bi nexweşiya rawestana gurçikan bû, piştî ko kadirên bijîşkî bêçare man ji çareserkirina wî, bi sedema kêmbûna derman û alavên bijîşkî û dorpêçkirina bajêr jiyana xwe jidest da.
Jêder: Nivîsgeha Ragihandinê ya Hevbendiya Niştimanî
