Navenda Sûrî ji bo azadiyên rojnamevanî û Komelbenda Rojnamevanên Sûriyê, îro roja înê, di raporteke xwe de da zanîn ku bombarana sîstematîk ya ji aliyê rejîma Esed û hevalbendên wê li ser deverên kêmkirina zêdegaviyan li bakurê Sûriyê, sedemeke serekî bû ji berdewamiya binpêkirinan re, ku du medyakar di meha derbasbûyî de hatin kuştin.
Navendê, îro di rapora xwe ya vê demê de, 5 binpêkirinên medyayê li Sûriyê di meha cehzîranê de dokument kirine, ku rejîma Esed careke din di serê lîsteya binpêkirinan li dijî azadiyên medyayî li Sûriyê de bû, bi pêkanîna 3 binpêkirinan di heyva borî de.
Raporê diyar kir ku zêdebûna êrîşan ji aliyê rejîmê û hevalbendên wê li bakurê Sûriyê, bû sedemek ji bo peydabûna siyaseta astengiyan li pêş azadiya medyayê ji aliyê aliyên leşkerî yên cuda, û peydabûna bêseruberiya rewşa ewlekariyê li çend navçeyên Sûriyê.
Li gorî rapora Navendê ku piraniya binpêkirinan li parêzgeha Hemayê bûn, û têde sê tawan hatin pêkanîn, û medyakarek bi navê “Amjad Hesen Bekir” di dema romalkirina şer û pevçûnên li bakurê Hemayê bi guleyên hêzên rejîmê hat kuştin, û medyakar Tariq Abdul Aziz Ibrahim ji Hemayê birîndar bû, û her weha “Abdul-Ezîz Burhan Najm” bi sivikî bi guleyên hêzên rejîmê yên li gundewarê Hemayê birîndar bû.
Herwiha li parêzgeha Idlibê jî, di meha borî de, tawanek li dijî rojnamevanan hat pêkanîn, ku medyakar “Omar Şamê” jiyana xwe jidest da ji ber birînên xwe yên bi sedema peqîna bombeyeke çandî ji aliyê hin kesên nenas di otomobîla wî de li gundewarê Idlibê.
Li parêzgeha Hisiça binpêkirinek dijî medyakariyê çêbû bi sedema binçavkirina medyakar “Mohammed Tewfîq al-Sexîr” ji aliyê çekdarên “PYD” di dema wênegirtina şewata zeviyên genim li Qamişlo.
Navenda Sûrî ji bo azadiyên medayayî di dawiya rapora xwe de daxwaza rêzgirtina azadiya rojnamevaniyê û misogerkirina ewlekariya rojnamevanan kir, û daxwaza darizandina kesên berpirsiyar di ber binpêkirinan de kir, herwiha daxwaza rêzgirtina teksta mada 19’an ya Danezana Gerdûnî ya Mafên Mirovan kir, ku dibêje: ” Mafê herkesî yê azadiya raderbirînê heye, tevlî mafê azadiya wergirtina nûçe û ramanan, û weşandina wan bi her amûrekê, bê sîrordarkirina wan li her deverê “.
Jêder: Ofisa Ragihandina Hevbendiya Niştimanî ya Sûrî
