Duhî roja yekşemê, Komîta Hecê Ya Bilind ya ser bi Hevbendiya Niştimanî ya hêzên şoreş û rikberiya Sûriyê ve, hilmeta xwe ya ji bo alîkariya koçberên bajêr ji bo alîkariya dabînkirina pêdawîstiyên jiyanê bi navê “Lebeykum Ahile Heleb” ya berî deh rojan bi dawî kir.
Komîteyê di raporta xwe ya bidawîkirinê de, tekez kir ku karê ku wan kirine ew e dabînkirina beşekî ji kelûplên konê koçberan li bajêr wek mehfûr û doşek û cihlivîn û sopeyan, ya ji aliyê herdu rêxistinên Tirkiyê IHH û AFAD tê pêkanîn, û diyar kir ku hejmara sûdmendên vî pirojeyî gihişt 500 xêzanî, an ku nêzîkî 2500 kesan bi rêjeya her xêzanekê ji 5 kessn pê tê.
Komîteyê got ku hilmet taybet bû ji bo koçberên Helebê yên bi kotekî hatine koçberkirin, û tekez kir ku ew nivîsîngeh û damudezgeh û karmendên xwe têxin ji bo xizmeta komkirina komik û alîkariyan û nivîsandina kojmên diravan, û got ku bi vê yekê erkê wê bi dawî dibe.
Komîteyê diyar kir ku wê kojmê 41079 dolar û 37030 lêreyên tirkî kom kirine, di mawê di navbera 15 heta 24ê heyva çileyê pêşîn de, û got ku wê kojmê pereyan dan destê rêxistina IHH ya mirovî ya bi cêbicêkirina piroje radibe.
Komîteyê di raporta xwe de cext kir li ser wê yekê ku ew li ser bingehê hestê berpirsyaretiyê ava bûye, û bi erkên xwe yên girêdayî bi welat û şoreşa gel li dijî zilim û zordariyê radibe, û li ser vê yekê ” gazî Heciyên mala xwedê û fermanberên bi xizmeta mirov û kesukarên xwe radibin kir, ji bo alîkariya xelkê Helebê yên bi neheqî tên koçberkirin, ji bo bi yekdengî li kêlek birayên xwe rawestin, ku ev kêmtirîn erkê meye”, û ji berî du rojan kiryara koçberkirina xelkê Helebê piştî sê heyvan ji dorpêçkirina bajêr ya hevdem ligel bombebarankirina bajêr bi çekên qedexekirî ji aliyê hêzên Esed û Rûsiya û milîsên Îranê, tevî hilmeta wêrankariya bajêr ya bi dirêjajiya heyvekê ku têde zêdetir ji 1500 kesî hatine şehîd kirin û zêdetir ji 7000 sivîlî tevî jin û zarokan hatine birîndarkirin, ku Hevbendiya Niştimanî ya hêzên şoreş û rikberiya Sûriyê ev yek bi kiryarek koçbarkirina neçarî û tawanek şer ligor yasa navdewletî dît, û got ku ev tişt hat erêkirin ji bo “saxiya sivîlan”.
Jêder: Nivîsîngeha Ragihandinê ya Hevbebdiya Niştimaniya Sûriyê