Artêşa Azad piştî şer û pevçûnên dijwar ligel hêzên Esed, karîbû çendên baregehên rêjîma Esed li gundê Sîfat li gundewarê bakurê Helebê kontrol bike, û hejmarek ji serbazên rêjîmê hatin kuştin. Herwiha artêşa azad topavêjeka hêzên Esed têkşikand bi topavêja “Cehenem”, li hember firokên şer yên Esed gundê Başkoyê û kampa Hindirat gulebaran kirin, ku bû sedema zerereka madî ya zor û ketina çendîn birîndaran. roja înê êvarî hêzên Esed 4 sivîl li taxa Elheyderiyê li bajarê Helebê ji encama êrîşeka esmanî kuştin, herwuha helikopeterên Esed du bermîlên teqîner avêtin taxa navborî, ku bû egerê kuştina 4 sivîlan û ketina 3 birîndaran, ji aliyekî din hîç ziyan neketin ji egera êrîşekê li ser taxa avahiyên Henano û Elinzarat. Herwuha firokên şer yên Esed bi mûşekan û bi çekên giran êrîş kirin riya “Elkastilo” û bajarokê Diwêr Elzeytûn û navçeya Elmelah nêzîkî bajarê Hirêtan li gundewarê bakurê Helebê. Têzanîn ku Nesir Elherîrî sekertêrê giştiyê Hevbendiya Niştimanî, hişyarî dabû civaka navdewletî ji xemsariya piştgiriya artêşa Azad di dijberiya hêzên rêjîmê û rêxistina Daiş de li gundewarê bakurê Helebê, herwiha hişyarî da li ser metirsiya pêşketina hêzên Esed li gundewarê bakurê Helebê û dît ku “serketina rêjîma Esed û gihiştina wê li nav serbazgehên xwe li Nibl û Elzehra tê bi wateya xistina dorpêçkirina berovajî ji aliyê hêzên wê li ser bajarê Helebê û navçeyên rizgarkirî”. Dîsa Elherîrî matmayîna xwe diyar kir li hember “hewlên hevpeymaniya navdewletî bo derbaskirina hin hêzên nesûrî ji bo destêwerdana bejayî di Sûriyê de, di dema ku piştgiriya artêşa Azad nake di rûbirûbûna du dijminên hov de, rêjîma Esed û rêxistina Daişê”. Û duhî Bedir Camûs endamê desteya siyasiya hevbendiyê dît ku” paşguhkirina hêzên hevpeymaniyê ji bangên piştgiriya bilez ji aliyê Hevbendiyê ve bo yekîneyên Artêşa Azad, nemaze li Gundewarên Helebê yên Bakur” Karekî nayê famkirin û bitenê di berjewendiya Esed de ye”. Herwiha Camûs Zêde kir û got ku ” Ji destpêka êrîşên Hevpeymaniyê li ser rêxistina ” Daiş” geşbûnek ji rejîma Esed re çêbû, û dest bi zêdekirina êrîşên xwe yên esmanî û bermîlên teqîner bi ser sivîlan de kir, bêtirî 40 kuştarî pêkanîn, û lezek di rewşa vegerandina deverên di destê Artêşa Azad de kir, vê yekê baweriya kolana Sûrî bi Hevpeymaniyê û rastiya wê di şerê tirora ku Esed ji çêkirên wê yên sereke di herêmê de ye qels û lawaz kir”. Endamê desteya Siyasî nerazîbûna xwe da li ser stratîjiya hevpeymaniyê û awayê rêvebirina karê wê û got ” tevahiya welat di bin êrîşên firokên Esed û bermîlên wî de hiştine, û guhdana wê tenê bi yek bajarî ye ” û dît ku ev yek ” Karekî bigomane û ne di riya rast ya armancên hevpeymaniyê yên eşkerekirî di şerê tirorê de ye ” û zêde kir ku” Çi pêşveçûn ji hêzên Esed di eniya Helebê de têkçûneke di şerê dijî ” Daiş” de ye di dema dirêj de”. Camûs tekez kir ” Gundewarê Helebê yê Bakurî ji giringtirîn destkeftiyên şoreşê ye di her sê salên bûrî de, û hêlana wî niha di van rewşên dijwar de ji bo rûbirû be bi çarenûsa xwe re destjêberdana şoreşê ye, û ezmûneyek dijwar e bo her kesên dibêjin em hevalê milletê Sûrî ne û piştgirê şoreşê ne, û bi taybetî dewletên hevpeymaniyê, nemaze bi şopandina siyaseta zuhakirina jêderên piştgiriya Artêşa Azad”.
Jêder:Hevbendî+ Navenda ragihandina Helebê + Simrat
