Bi dehan sivîl hatin kuştin bi sedema bombebarankirina bajarê Reqê û gundewarê wî ji aliyê firokên Hevpeymaniya navdewletî û milîsên “Sûriya Demokratîk“.
Ajansa “Smrat” diyar kir ku ji encamê bombebarankirina firokên hevpeymaniya navdewletî û topbarankirina milîsên “sûriya demokratîk” li ser taxên Rimêlê û Ferdews û Cimêliyê û Derhiyê li bajarê Reqê, nêzîkî 21 sivîlî û pênc terorîstên rêxistina DAIŞê hatin kuştin.
Herwiha gundê Hawî Elhewa yê di destê DAIŞê de li rojavayê Reqê bi firokan hat bombebarankirin, û ligor zaniyarên Smrat heşt sivîl têde hatin kuştin, sê zarok û dayikek di nav wan de bûn, û birîndarbûna şeş kesan û veguhestina wan ber bi nexweşxaneyekê li Reqê.
Ajansê bal kişand ku mirîşkxaneyek û goveke xwedîkirina pez li gundê Kesret Cuma ya di destê DAIŞ de ji aliyê firokên Hevpeymaniyê hat bombebarankirin, û têde çar sivîl hatin kuştin û du sivîlên din bi giranî birîndar bûn.
Herwiha ev bombebarankirina esmanî ya bitewşî bû sedema peydabûna pêleke koçberiyê li gundên Kesert Cuma û Ebû Qibê’h yê rojhilat û yê rojava ber bi navçeyên DAIŞê.
Û ligor hin çalakvanên Reqê li ser malperên fecebookê, wan li heyva bûrî kuştina 421 sivîlan dîkomînt kirine, û piraniya wan bi êrîşên firokên Hevpeymaniyê hatine kuştin.
Jêder: Ofîsa Ragihandina Hevbendiya Niştimanî
